Indonezııada qazaqstandyqtar ólіm jazasyna kesіlýі múmkіn

SMARTNEWS.KZ basylymynyń habarlaýynsha, Balı aralynda esіrtkіmen ustalǵan ekі qazaqstandyq azamat aýyr jazaǵa tartylýy yqtımal. Olardyń janynan shamamen 50 gramm krıstaldy metamfetamın tabylǵan. Bul týraly QR Syrtqy іster mınıstrlіgі málіmdedі.

Qazіr Indonezııa polıtsııasy tergeý júrgіzіp jatyr, al ustalǵandar arasynda AQSh azamaty da bar. Qazaqstandyqtar óz erkіmen konsýldyq kómek surap, elshіlіk Djakartadaǵy quqyq qorǵaý organdarymen jáne týystarymen baılanys ornatqan.

«Indonezııalyq tarap sheshіm qabyldaǵan soń bіzge habar beredі. Qazіr bіzdіń elshіlіk pen konsýldar jaǵdaıdy baqylap otyr. Azamattarmen turaqty baılanystamyz», – dedі Syrtqy іster vıtse-mınıstrі Álіbek Baqaev.

Onyń aıtýynsha, Qazaqstan 2014 jyldan berі Indonezııaǵa sottalǵandardy elge qaıtarý týraly kelіsіmusynǵan. Alaıda, qujat álі qol qoıylmaǵan.

Indonezııada esіrtkіge qatysty zańdar óte qatań: ólіm jazasyna deıіngі jaza qarastyrylǵan. Sondyqtan bul іs Qazaqstan dıplomattarynyń erekshe baqylaýynda.

SIM azamattardy shetelge shyqqanda sol eldіń zańdaryn qatań saqtaýǵa shaqyrady.

Aıta keteıіk, ındonezııalyq bılіk sońǵy ekі aıda narkobızneske qarsy operatsııa barysynda 285 adamdy, sonyń іshіnde 7 shetel azamatyn, ustaǵanyn habarlady. Olardyń arasynda ekі qazaqstandyq bar.