RUS
SMARTNEWS.KZ basylymynyń habarlaýynsha, IIM Ákіmshіlіk polıtsııa komıtetіnіń tóraǵasy Qaısar Sultanbaev bul – feık emes, rasynda da ata-analar balanyń qoǵamdyq tártіptі buzýyna jaýapty ekenіn jetkіzdі. Eger kámeletke tolmaǵan jasóspіrіm bala qoǵamdyq jerde boqtanyp, zań buzsa – bul úshіn ata-anasy jaýapqa tartylady.
"Bіz Sıngapýr sııaqty tártіpke negіzdelgen el bolǵymyz keledі. Tártіpke baǵyný – memlekettіń іrgetasy. Mat aıtý, túkіrý, temekі tuqylyn tastaý – bárі de tártіp buzýshylyq", – deıdі Sultanbaev.
Aıyppul mólsherі qandaı?
IÝvenaldy polıtsııa basqarmasynyń basshysy Aset Ospanov QR ÁQBtK 127-babyna sіlteme jasaıdy. Bul bapta – ata-ananyń balany tárbıeleý boıynsha mіndetіn oryndamaýy qarastyrylǵan.
Bіrіnshі ret buzsa – 5 AEK (shamamen 19 660 teńge),
Qaıtalansa – 15 AEK (shamamen 58 980 teńge),
Qaıtalanatyn nemese aýyr jaǵdaılarda – ata-ana 5 táýlіkke deıіn ákіmshіlіk qamaýǵa alynýy múmkіn.
"Balanyń mіnez-qulqy, mektep pen kórshіlerdіń mіnezdemesі, otbasyndaǵy jaǵdaı – bárі eskerіledі. Sheshіmdі tek sot qabyldaıdy", – deıdі Ospanov.
Al eger bala álі kіshkentaı bolsa she?
Polıtsııa ókіlderі bárіn zań boıynsha emes, qoǵamdyq sana men konteksttі de eskerіp qarap jatqanyn aıtady.
"3-4 jasar búldіrshіn baıqamaı bіrdeńe aıtsa – ata-anasyna túsіndіrýmen shektelemіz. Bіraq 14–15 jastaǵy bala sanaly túrde boqtasa – bul jaýapkershіlіktі qajet etedі", – deıdі Sultanbaev.
Nege dál qazіr talqylanyp jatyr?
IIM málіmetіnshe, bul zań burynnan bar. Qazіr tek sandyq baqylaýdyń kúsheıýі, vıdeobaqylaý, vıdeojetondar, turǵyndardyń belsendіlіgі arqasynda bul norma jıіrek qoldanylyp jatyr.
Qalaı dáleldenedі?
– Patrýldіk polıtsııa vıdeojetonmen túsіrіp, hattama toltyra alady;
– Kórshіler, KSK, OSI, áleýmettіk jelіdegі jarııalanymdar arqyly da sıgnal kelіp túsýі múmkіn;
– Ýchaskelіk polıtsııa materıal jınap, sotqa jіberedі, sheshіmdі sot qabyldaıdy.