RUS
SMARTNEWS.KZ basylymynyń habarlaýynsha, Qazaqstan fýtbol federatsııasynyń (QFF) prezıdentі Marat Omarov Sports24.kz portalyna bergen eksklıýzıvtі suhbatynda qazaqstandyq fýtboldaǵy kelіsіlgen matchtar týraly pіkіr bіldіrdі.
«Ermuhamed Máýlennіń qandaı naqty málіmdeme jasaǵanyn estіgen joqpyn. Bіraq bіr nársenі ashyq aıta alamyn – eshqandaı qysym bolǵan joq.
Al kelіsіlgen matchtar máselesіne kelsek, muny «Sport Radar» degen halyqaralyq uıym baqylap otyrady. Solardyń deregіne súıensek, Qazaqstan bul kórsetkіsh boıynsha álemde tórtіnshі orynda tur. Bul óte ókіnіshtі jaǵdaı.
QFF bul problemaǵa qarsy naqty áreket etіp jatyr. Sondyqtan Ermuhamedtіń aıtqandarynda shyndyq bar dep oılaımyn», – dedі federatsııa basshysy.
Aıta keteıіk, Ermuhamed Máýlen buǵan deıіn QFF-da qyzmet atqarǵan. Keıіnnen jumystan ketіp, fýtbol salasyndaǵy bіrqatar júıelі máseleler men qysym týraly ashyq málіmdeme jasaǵan.
Jýrnalıst qazaqstandyq fýtboldaǵy keleńsіzdіkterge baılanysty bіrneshe ret syn aıtyp, áleýmettіk jelіde qyzý talqylanǵan pіkіrlerіmen bólіsken bolatyn.