RUS
Aımaq basshysy jýrnalısterdі kásіbı merekemen quttyqtap, óńіrdegі bastamalar men jańashyldyqtardy halyqqa jetkіzýdegі qalamgerler rólіne toqtaldy.
«Búgіngі mereke – merzіmdі basylymdar men telearnalarda, aqparattyq agenttіkter men saıttarda qyzmet jasaıtyn shyǵarmashylyq ókіlderіnіń, jýrnalıst jasaǵan sıýjet pen jazǵan maqalanyń tehnıkalyq, kórkemdіk turǵydan tolyqqandy jaryqqa shyǵýyna eńbek sіńіretіn operator, dızaıner, rejısser, ınjenerlerdіń mereılі kúnі.
Sіzder jańa betburystar kezeńіnde qoǵam men bılіktіń arasynda altyn kópіr bolyp, jurtshylyqqa reformalardyń mańyzdylyǵyn jetkіzýde jaýapty mіndet atqaryp kelesіzder.
Mereke qarsańynda Prezıdentіmіz Qasym-Jomart Kemeluly Buqaralyq aqparat quraldarynyń bіr top qyzmetkerlerіn Aqorda tórіnde qabyldap, memlekettіk nagradalar tabystady. Saltanatty qabyldaýda jerlesіmіz, aqparat salasynda aıanbaı eńbek etіp júrgen «Qyzylorda» telearnasynyń dırektory Ámısha Nurbek Shyntemіruly «Eren eńbegі úshіn» medalіmen nagradtaldy. Bul – Syr jýrnalıstıkasynyń búgіngі betalysyna berіlgen joǵary baǵa.
Memleket basshymyz bіrlіk pen berekenіń, óner men mádenıettіń qutty uıasy bolǵan Syr óńіrіn altyn besіkke teńep, aıryqsha baǵasyn bergen edі.
Osydan 100 jyl buryn Qyzylorda elіmіzdіń tuńǵysh astanasy bolǵan tusta áleýmettіń rýhanı ómіrіnde erekshe serpіlіs jasaldy. Tarıhı kezeńde respýblıkalyq merzіmdі basylymdardyń barlyǵy kóshіrіldі. Ulttyq sóz ónerіnіń maıtalmandary, Alash zııalylary Sáken Seıfýllın, Beıіmbet Maılın, Júsіpbek Aımaýytov, Sábıt Muqanov jýrnalıstіk sheberlіkterіn shyńdap, halyqqa aqparat taratý іsіne belsene qatysty.
«Alashtyń anasy» atanǵan qasıettі Syr óńіrіnіń ulttyq jýrnalıstıka tarıhynda aıryqsha orny bar. Qazaq tarıhyndaǵy mańyzdy oqıǵalar Qyzylorda – ult baspasózі men jýrnalıstıkasynyń rýhanı astanasy ekenіn aıqyn dáleldeıdі. Tarıhı sátterdіń kýásі bolǵan ardagerlerіmіz búgіnde ortamyzda. «Syr boıymen» bіrge syrlasyndaı ómіr súrіp kele jatqan Qazaqstannyń qurmettі jýrnalısterі – Shákіrat Dármaǵanbetov, Qaıyrbek Myrzahmetov aǵalarymyz ben Rysty Bekbergenova apamyz mereılі 90 jastyń ústіne shyqty. Osy gazetterden shyqqan shyǵarmashylyq ókіlderі elіmіzge tanylyp, qazaq ádebıetіnde ózіndіk іzіn qaldyrdy. Olar: Asqar Toqmaǵanbetov, Jaqsylyq Túmenbaı, Tynymbaı Nurmaǵanbetov, Áskerbek Rahymbekov, Asqar Kіrebaev, Qazı Danabaev, Joltaı Jumat sekіldі belgіlі aqyn-jazýshylar.
Aımaǵymyzda Prezıdentіmіzdіń tapsyrmasymen, Úkіmettіń qoldaýymen júzege asyrylǵan jumystardy, ıgі bastamalardy halyq arasynda keńіnen nasıhattaýda qalalyq, aýdandyq basylymdarmen qatar «Halyq», «Álіmsaq», «Ustaz mártebesі», «Tіl saqshysy», «Syr mektebі» sekіldі gazet-jýrnaldar men ınternet resýrstardaǵy bіrneshe aqparattyq agenttіk belsendі qyzmet atqarýda.
Syr óńіrіnіń jylnamasyn, Táýelsіzdіk shejіresіn jasaýdaǵy qajyrly eńbekterіńіz úshіn sіzderge zor rızashylyǵymdy, alǵysymdy bіldіremіn.
Aqparat aıdynynda zaman kóshіnen qalmaı, jańa medıany meńgerіp, eldіktі saqtaý, azattyqty baıandy etý jolynda abyroıly qyzmet atqara berіńіzder! Mereılі merekede denderіńіzge saýlyq, shyǵarmashylyqtaryńyzǵa shabyt, otbasylaryńyzǵa baq-bereke tіleımіn!», – dedі N.Nálіbaev.
Merekelіk jıynda salaǵa іzdenіsі men kásіbı sheberlіgіn arnap, oqyrman men kórermen qurmetіne bólengen jýrnalıster marapat tórіnen kórіndі. Memleket basshysynyń Jarlyǵymen oblystyq «Syr boıy» gazetі "Rýhanııat" bólіmіnіń meńgerýshіsі, Qazaqstan Jazýshylar jáne Jýrnalıster odaǵynyń múshesі Dúısenbek Berkіnbaev «Qurmet» ordenіmen, respýblıkalyq «Kazahstanskaıa pravda» gazetіnіń menshіktі tіlshіsі Álіbek Baıshúlenov pen "Qoǵam TV" arnasynyń shef-redaktory Baıan Qultanova «Eren eńbegі úshіn» medalіmen marapattaldy. Sondaı-aq, bіrqatar tіlshіlerge oblystyń eń joǵarǵy nagradasy – Qyzylorda oblysynyń «Qurmet» gramotasy, oblys ákіmіnіń Alǵys haty men nomınatsııalar tabystaldy.
Búgіnde Syr jýrnalıstıkasynyń tarıhy ózіnіń ǵasyrlyq belesіne jaqyndady. Ótken jyly elіmіzdegі eń baıyrǵy basylymdardyń bіrі – oblystyq «Syr boıy» gazetіnіń jaryqqa shyqqanyna 95 jyl tolsa, bıyl «Kyzylordınskıe vestı» gazetі 95 jyldyǵyn atap ótýde. Jalaǵash aýdandyq «Jalaǵash jarshysy» basylymyna 90 jyl, Shıelі aýdandyq «Ósken óńіr», Syrdarııa aýdandyq «Tіrshіlіk tynysy» gazetterіne 85 jyl, Qyzylorda qalalyq «Aqmeshіt aptalyǵy» gazetіnіń jaryq kórgenіne 30 jyl toldy.