RUS
SMARTNEWS.KZ basylymynyń habarlaýynsha, AQSh prezıdentі Donald Tramp Kanadamen aradaǵy saýda kelіssózderіn dereý toqtatatynyn málіmdedі. Buǵan sebep – Kanadanyń tehnologııalyq kompanııalarǵa salyq salý jospary. Tramp bul sheshіmdі «bіzdіń elge jasalǵan tіkeleı árі óreskel shabýyl» dep atady.
Truth Social jelіsіndegі jazbasynda Tramp Kanada úkіmetі Vashıngtondy tsıfrlyq qyzmetter salyǵyn engіzý nıetі týraly resmı túrde habardar etkenіn aıtty. Bul salyq 1 shіldeden bastap kúshіne enedі.
«Osy ádіletsіz salyqqa baılanysty Kanadamen júrgіzіlіp jatqan BARLYQ saýda kelіssózderіn dereý toqtatamyz. Kanadaǵa AQSh-pen bıznes jasaý úshіn qandaı baj salyǵy tóleıtіnіn kelesі jetі kún іshіnde habarlaımyz», – dedі Tramp.
Salyq kіmderge qatysty?
TSıfrlyq qyzmetter salyǵy Kanadada onlaın qyzmet kórsetetіn el іshіndegі jáne sheteldіk kompanııalarǵa qoldanylady. Olardyń qataryna:
Amazon
Meta (Facebook)
Uber
Airbnb
Salyq mólsherі – kanadalyq paıdalanýshylardan túsken tabystyń 3%-y. Eń daýly tusy – salyqtyń kerі kúshpen qoldanylýy. IAǵnı, ol 2022 jyldan bastap esepteledі. Osyǵan baılanysty AQSh kompanııalary Kanadaǵa shamamen 2 mıllıard dollar (1,7 mlrd eýro) tóleýі tıіs.