RUS
SMARTNEWS.KZ basylymynyń habarlaýynsha, aqparat keńіstіgіnde eńbek etіp júrgen bіrqatar jýrnalıst pen medıa mamandarǵa el Prezıdentіnіń atynan páter sertıfıkattary tabystaldy. Bul shara buqaralyq aqparat quraldary qyzmetkerlerі kúnіne oraı uıymdastyryldy. Turǵyn úıge arnalǵan sertıfıkattardy «Dara» Prezıdenttіk bastamalar qory usyndy.
Medıa salasynyń qyzmetkerlerіne baspana berý – áleýmettіk qoldaý sharalarynyń bіrі. Bul bastama el іshіndegі turaqtylyq pen kásіbı mamandardyń eńbegіn baǵalaýǵa baǵyttalǵan keshendі saıasattyń quramdas bólіgі retіnde júzege asyrylyp otyr.
Saltanatty rásіm kezіnde Memleket basshysynyń keńesshіsі árі baspasóz hatshysy Rýslan Jeldіbaı BAQ ókіlderіn kásіbı merekesіmen quttyqtap, bul bastamanyń mánіn atap óttі.
«Memleket basshysy Qasym-Jomart Toqaevtyń tapsyrmasymen bıyl úshіnshі jyl qatarynan jýrnalısterge páter berý sharasy uıymdastyrylyp otyr. Bul – Prezıdenttіń otandyq medıa qyzmetkerlerіne degen úlken qoldaýy. Bıyl páterler tek jýrnalısterge ǵana emes, rejısserlerge, operatorlarǵa, korrektorlarǵa jáne otandyq medıanyń ózge de mamandaryna berіledі. Sonymen qatar bіz áleýmettіk osal toptarǵa erekshe nazar aýdardyq: páter ıelerіnіń qatarynda kópbalaly jáne múmkіndіgі shekteýlі bala tárbıelep otyrǵan otbasylar da bar. Árіptesterіmіzdіń jetіstіkterіne qýanyshtymyz. Barshańyzdy shyn júrekten quttyqtaımyn», – dedі Jeldіbaı.
Páterlerge ıe bolǵandar arasynda elіmіzdegі jetekshі medıa uıymdardyń – «Qazaqstan» RTRK, «Habar» Agenttіgі, «Qazcontent», «Qazaq gazetterі», «Evrazııa+ORT», «Atameken Business», Tengrinews jáne ózge de redaktsııalardyń qyzmetkerlerі bar.
Jańa qonysqa ıe bolǵandar qataryna dýblıaj redaktorlary, efır operatorlary, telerejısserler, dybys ınjenerі men korrektor sekіldі óz іsіnіń mamandary endі. Olar – kún saıyn qoǵamǵa sapaly aqparat taratýǵa úles qosyp júrgen jandar.
«Dara» qorynyń basshysy Muhamedqalı Taýannyń aıtýynsha, bul joba – tek turǵyn úımen qamtý emes, sonymen qatar azamattardyń ómіr súrý sapasyn arttyrýǵa baǵyttalǵan mańyzdy qadam.
«Memleket basshysynyń BAQ ókіlderіn baspanamen qamtamasyz etý bastamasyn «Dara» qory sáttі júzege asyryp keledі», – dedі Taýan.
Aıta keteıіk, 2023 jyly 65 adamǵa, 2024 jyly – 68 medıa qyzmetkerge páter berіlse, bıyl bul múmkіndіkke 66 sala mamany ıe boldy.