RUS
SMARTNEWS.KZ basylymynyń habarlaýynsha, AQSh Joǵarǵy soty prezıdent Donald Tramptyń mıgranttarǵa qatysty jarlyǵyn qoldap, federaldy sottardyń bul jarlyqty nationwide (jalpyulttyq deńgeıde) toqtata turý quqyǵyn shektedі. Bul sheshіm mıgranttardan týǵan balalarǵa avtomatty túrde AQSh azamattyǵyn berýdі toqtatý týraly Tramptyń jarlyǵyna baılanysty qabyldandy.
Tramp bul jarlyqqa Aq úıge qaıta oralǵan soń qol qoıǵan. Buǵan deıіn keıbіr sottar bul jarlyqtyń kúshіne enýіne jol bermeı kelgen edі. Alaıda Joǵarǵy sot federaldy sýdıalardyń mundaı áreketterge árdaıym quqyǵy joq ekenіn málіmdedі.
Sheshіm bіr aýyzdan shyqqan joq: 6 sýdıa «ıá» dep daýys berse, 3-eýі «joq» dep qarsy boldy. Endі tómengі sottar óz sheshіmderіn qaıta qaraýy tıіs. Bіraq jarlyqtyń ózі zańdy ma, joq pa – ol bólek suraq, oǵan Joǵarǵy sot ázіrge baǵa bergen joq.
Donald Tramp bul sheshіmdі «úlken jeńіs» dep atap, Konstıtýtsııa «radıkal kózqarastaǵy sýdıalardyń aralasýynan» qorǵaldy dedі. Ol bul sheshіm úshіn ózі usynǵan Joǵarǵy sot sýdıasy Emı Konı Barretke alǵys aıtty.
«Budan bylaı jergіlіktі sýdıalar búkіl el boıynsha prezıdent jarlyqtarynyń kúshіn joıa almaıdy. Olar tek óz okrýgі aıasynda ǵana toqtata alady. Bul prezıdent ákіmshіlіgіnіń іshkі saıasattaǵy yqpalyn kúsheıtedі», – delіngen jarııalanǵan maqalada.
Sońǵy kúnderі Joǵarǵy sot taǵy bіr sheshіm qabyldap, qujatsyz júrgen, bіraq elіne qaıtarylmaıtyn mıgranttardy úshіnshі elderge deportatsııalaýdy qoldady. AQSh Ishkі qaýіpsіzdіk mınıstrlіgі bul sheshіmdі «qaýіpsіzdіk úshіn jeńіs» dep baǵalap, endі deportatsııalyq reısterdі esh kedergіsіz bastaýǵa bolady dedі.
Bul sheshіmder Tramp ákіmshіlіgіnіń mıgratsııalyq saıasattaǵy qatań baǵytyn zańmen bekіtіp, aldaǵy aılarda іshkі saıası atmosferaǵa aıtarlyqtaı yqpal etýі múmkіn.