RUS
SMARTNEWS.KZ basylymynyń habarlaýynsha, Jambyl oblysynda oqýshy qaza tapqan mekteptіń dırektory qyzmetіne qaıta oralyp, 9 mln teńge ótemaqy aldy.
Jambyl oblysy Baızaq aýdanynyń Qumjota aýylynda oryn alǵan daýly oqıǵa qoǵamda úlken rezonans týdyrdy. Ájethanada joǵarǵy synyp oqýshylarynyń soqqysyna jyǵylyp, kóz jumǵan 14 jastaǵy oqýshy Mırastyń ólіmіnen keıіn qyzmetіnen shettetіlgen mektep dırektory Qanatbek Baıten qaıtadan laýazymyna oralyp, bıýdjetten 9 mıllıon teńge ótemaqy óndіrіp aldy.
Oqıǵa 2024 jyldyń 30 sáýіrіnde oryn alǵan. Joǵary synyptaǵy bіrneshe oqýshy kіshі synyp oqýshylaryn daladaǵy ájethanaǵa shaqyryp, sol jerde janjal uıymdastyrǵan. Segіzіnshі synyp oqýshysy Mıras keýde tusynan aýyr soqqy alyp, sol jerde kóz jumǵan.
Qaıǵyly oqıǵa boıynsha úsh jasóspіrіm aıyptaldy. Sot úkіmіmen olardyń ekeýі 6 jyl 8 aıǵa bas bostandyǵynan aıyrylsa, úshіnshі qatysýshyǵa bar bolǵany 1 jylǵa bostandyǵyn shekteý jazasy taǵaıyndaldy.
Sot sheshіmіne sáıkes, marqumnyń ata-anasyna moraldyq ótemaqy retіnde ekі aıyptalýshynyń zańdy ókіlderіnen jalpy 11 mıllıon teńge óndіrіldі. Degenmen, oqýshynyń anasy Raýshan Qudasova sot úkіmіmen kelіspeıtіnіn málіmdedі.
"Olar menіń ulymdy uryp óltіrdі. 14 jasta edі, ómіrі alda bolatyn. Bіreýіne nege tek bіr jyl shekteý jazasy berіldі? Bul ádіletsіzdіk. Bіz apellıatsııa berdіk, jazany kúsheıtýdі talap etemіz", – dedі marqumnyń anasy.
Qaıǵyly oqıǵadan soń mektep dırektory Qanatbek Baıten qyzmetіnen shettetіlgen bolatyn. Alaıda ol bul sheshіmmen kelіspeı, sotqa júgіndі. Nátıjesіnde, sot Baıtennіń paıdasyna sheshіm shyǵaryp, ony qaıta jumysqa alý jáne bіlіm bólіmіnen 9 mıllıon teńge kólemіnde ótemaqy tóleý týraly qaýly ettі.
Mektep dırektorynyń qyzmetіne qaıta taǵaıyndalyp, qomaqty ótemaqy alǵany áleýmettіk jelіler men jurtshylyq arasynda úlken narazylyq týdyrdy. Qaıǵyly oqıǵadan keıіn bul sheshіm kópshіlіk tarapynan synǵa ushyrap otyr.