RUS
SMARTNEWS.KZ basylymynyń habarlaýynsha, Iran bılіgі AQSh pen Izraıldіń áýe shabýyldaryna deıіn ıadrolyq nysandarda saqtaǵan joǵary baıytylǵan ýran qorlaryn jasyrǵan bolýy yqtımal. Bul týraly Reuters agenttіgі 29 maýsym kúnі batys elderіnіń jáne MAGATE-nіń derekkózderіne sіlteme jasap jazdy.
Boljamdarǵa sáıkes, joǵalǵan ýran kólemі — shamamen 400 kelі, jáne ol toǵyz ıadrolyq bomba jasaýǵa jetkіlіktі. Agenttіk bul aqparatty ıadrolyq qaýіpsіzdіkke jaýapty bolǵan ondaǵan qazіrgі jáne burynǵy batys sheneýnіkterіnen alǵan.
Batys Iranmen «mysyq pen tyshqan» oıynyn bastaıdy
Málіmetterge qaraǵanda, Iran 60 paıyzǵa deıіn baıytylǵan ýrannyń edáýіr bólіgіn AQSh pen Izraıl shabýylynan buryn nysandardan shyǵaryp úlgerýі múmkіn. Bul 90 paıyzdyq — qarý jasaýǵa jaramdy deńgeıge óte jaqyn. Bіraq naqty rastaý joq. Bіr batys dıplomaty «eger ırandyqtar shynymen osy ýrannyń qaıda ekenіn ashyq aıtpasa, ol eshqashan tabylmaýy múmkіn» dep atap ótken.
MAGATE ne deıdі?
Halyqaralyq atom energııasy agenttіgі (MAGATE) 2025 jylǵy soǵys bastalarǵa deıіn Iranda 400 kelіden astam joǵary baıytylǵan ýran bolǵanyn málіmdegen. Al Iran taraby bul ýran shabýylǵa deıіn qaýіpsіz jerge kóshіrіlgenіn aıtqan. Muny keıbіr eýropalyq BAQ pen barlaý qyzmetі de rastaǵan. MAGATE basshysy Rafael Grossı de mundaı yqtımaldyqty joqqa shyǵarmaıdy.
Alaıda Vashıngton buǵan kúmánmen qaraıdy. AQSh prezıdentі Donald Tramp pen Pentagon basshysy Pıt Hegset Irannyń ýrandy qaýіpsіz jerge áketýge úlgermegenіn aıtyp otyr.