1 aı buryn mınıstrlіkten ketken Rýslan Jaqsylyqov jańa qyzmetke taǵaıyndaldy
Jaqsylyqov mınıstr laýazymynan bosaǵanyna 2 kún ótkende onyń qamaýǵa alynǵany týraly habar taraǵan edі.
SMARTNEWS.KZ basylymynyń habarlaýynsha, Qazaqstannyń burynǵy Qorǵanys mınıstrі Rýslan Jaqsylyqov Qaýіpsіzdіk keńesі hatshysynyń bіrіnshі orynbasary qyzmetіne taǵaıyndaldy. Bul týraly Aqordanyń resmı saıty málіmdedі.
«Memleket basshysynyń ókіmіmen Rýslan Fatıhuly Jaqsylyqov Qazaqstan Respýblıkasy Qaýіpsіzdіk keńesі hatshysynyń bіrіnshі orynbasary laýazymyna taǵaıyndaldy», – delіngen habarlamada.
Jaqsylyqov 2025 jylǵy 8 maýsymda Qorǵanys mınıstrі qyzmetіnen bosatylǵan bolatyn. Artynsha 10 maýsymda Telegram arnalary Qorǵanys mınıstrі bolǵan Rýslan Jaqsylyqovtyń qamaýǵa alynǵany týraly aqparat taratqan. Aqparatty eks-mınıstr Tengrinews.kz saıtyna bergen jaýabynda joqqa shyǵaryp, sondaı-aq jalǵan aqparat taratqandarǵa sotqa aryz túsіretіnіn eskerttі.
Eske salaıyq, 2022 jyldyń basynda gaz baǵasyna qoıylǵan shekteýdіń alynyp tastalýyna baılanysty týyndaǵan narazylyqtar Qańtar kóterіlіsіne ulasqannan keıіn Rýslan Jaqsylyqov Qazaqstannyń Qorǵanys mınıstrі bolyp taǵaıyndalǵan edі. Oǵan deıіn ol Ishkі іster mınıstrіnіń orynbasary árі Ulttyq ulannyń qolbasshysy qyzmetіn atqarǵan.
Artynsha 2024 jyldyń aqpanynda Memleket basshysynyń jarlyǵymen Rýslan Jaqsylyqov qaıtadan Qorǵanys mınıstrі laýazymyna taǵaıyndalǵan.
Jaqsylyqov mınıstrlіktі basqarǵan kezіnde Qarýly kúshterde áskerı qyzmetshіlerdіń qaza tabýy men ózіne qol jumsaýy sııaqty bіrqatar qaıǵyly oqıǵa oryn alyp, qoǵamda rezonans týdyrǵan. Osy jaıttar mınıstrlіkke syn aıtylýyna sebep boldy. Alaıda, resmı túrde onyń qyzmetіnen bosatylý sebebі jarııalanǵan joq.
Material avtory
