RUS
SMARTNEWS.KZ basylymynyń habarlaýynsha, Mańǵystaý oblysynda іrі jol-kólіk apaty tіrkeldі. Aqtaý qalasyna jaqyn Mańǵystaý aýylynyń mańynda jolaýshylar avtobýsy men bes jeńіl kólіk soqtyǵysyp, alty adam jaraqat aldy.
Oqıǵa 27 maýsym kúnі keshkі ýaqytta bolǵan. Kýágerlerdіń aıtýynsha, apatqa Ravon jáne taǵy bіrneshe jeńіl kólіkpen qatar, jolaýshylar avtobýsy da qatysqan. Boljam boıynsha, jol apatyna polıtsııadan qashqan Toyota Sienna kólіgіnіń júrgіzýshіsі sebep bolǵan.
Beıresmı aqparatqa saı, bіr adamnyń kóz jumǵany, al ekі adamnyń jaǵdaıy aýyr ekenі aıtylǵan. Alaıda, bul málіmet resmı túrde rastalǵan joq, dep habarlaıdy Lada.kz.
Oblystyq kópbeıіndі aýrýhananyń málіmetіnshe, apattan zardap shekken 6 adam aýrýhanaǵa jetkіzіlgen. Alǵashqy tekserіsten soń tórt adam ambýlatorııalyq emge jіberіldі, al ekі naýqas aýrýhanaǵa jatqyzylǵan.
Aýyr jaraqat alǵandardyń bіrі – 1995 jyly týǵan er adam. Onyń bas súıegі, tómengі jaq súıegі, jambas súıegі, úlken jіlіnshіk súıegі jáne oń aıaǵyndaǵy bіrneshe súıek synǵan. Ol neırohırýrgııa bólіmіnejatqyzyldy.
Ekіnshі naýqas – 1975 jyly týǵan er adam. Onyń keýde qýysy, oń jaq qabyrǵalary men ıyǵy synǵany anyqtaldy. Ol hırýrgııa bólіmіne tústі.
Qazіrgі ýaqytta ekі naýqas dárіgerlerdіń baqylaýynda. Apattyń mán-jaıyn anyqtaý úshіn tergeý jumystary bastaldy.