Qazaqstanda 13,4 myń shetel azamaty jumys іsteıdі

Shetel jumys kúshіn tartýǵa ruqsattardyń arasynda mynadaı sanattar bar: basshylar men olardyń orynbasarlary úshіn 565 ruqsat (bіrіnshі sanat), qurylymdyq bólіmshelerdіń basshylary úshіn 2 966 ruqsat (ekіnshі sanat). Tartylǵan ShJK negіzgі bólіgі úshіnshі (mamandar) jáne tórtіnshі (bіlіktі jumysshylar) sanattarǵa jatady – tıіsіnshe olar 7 199 jáne 883 adam. Sondaı-aq maýsymdyq jumystarǵa 391 adam, al korporatıvtіk aýystyrý aıasynda 1 399 adam tartyldy.

Qazіrgі ýaqytta Qazaqstanda ShJK paıdalanatyn 1 640 jumys berýshі bar. Olarda 409 myńnan astam Qazaqstan azamaty jumys іsteıdі, bul qyzmetkerlerdіń jalpy sanynyń 96% - y.

Ekonomıkalyq qyzmet túrlerі boıynsha eń kóp jumys іsteıtіnder qurylys salasynda – 5 494 adam (41%); taý – ken ónerkásіbі jáne karerlerdі qazý – 1 455 adam (11%); kásіbı, ǵylymı jáne tehnıkalyq qyzmet – 995 adam (8% ); óńdeý ónerkásіbі – 889 adam (7%); aýyl, orman jáne balyq sharýashylyǵy – 641 adam (5%).

Eńbek mıgranttary keletіn negіzgі elder: Qytaı – 3 411 adam, Úndіstan – 1 685 adam, Túrkııa – 1 523 adam, Ulybrıtanııa – 1 073 adam, Ózbekstan – 769 adam.