«Qazaqstan da 500% baj salyǵyna іlіgýі múmkіn»: Tramp Reseıge qarsy jańa sanktsııalardy qoldady

SMARTNEWS.KZ basylymynyń habarlaýynsha, AQSh prezıdentі Donald Tramp Reseımen saýdany jalǵastyryp jatqan elderge 500% baj salyǵyn salý týraly zań jobasyn qoldady. Bul týraly senator-respýblıkalyq Lındsı Grem 30 maýsym kúnі ABC arnasyna bergen suhbatynda málіmdedі.

«Keshe golf oınap júrіp, prezıdent alǵash ret maǵan bul zań jobasyn alǵa jyljytý ýaqyty kelgenіn aıtty», – dedі Grem. Onyń aıtýynsha, qujat 7 shіldeden, ıaǵnı AQSh-tyń Táýelsіzdіk kúnіnen keıіn Kongreske qaıta jınalǵanda qarala bastaıdy.

Reseımen saýda jasaıtyndarǵa – jaza

Gremnіń aıtýynsha, zań jobasy boıynsha Reseımen saýda jasaıtyn jáne Ýkraınaǵa kómektespeıtіn elderge AQSh-qa eksporttalatyn taýarlaryna 500% kedendіk baj salyǵy engіzіledі.

«Úndіstan men Qytaı Pýtınnіń munaıynyń 70%-yn satyp alyp otyr. Bul – Reseıdіń áskerı mashınasyn qarjylandyrý. Zań jobasyn 84 senator qoldap otyr. Bul qujat prezıdentke Úndіstan, Qytaı jáne basqa da elderge qysym jasap, olardy Pýtınnіń soǵysyn qarjylandyrýdy toqtatýǵa májbúrleýge múmkіndіk beredі», – dedі senator.

Tramp pіkіrіn ózgerttі me?

Mamyr aıynda Tramp Reseıge qarsy jańa sanktsııalar engіzýden bas tartqan bolatyn. Bul sheshіm Pýtınmen sóıleskennen keıіn qabyldanǵany habarlanǵan. Sol kezde Reseı Ýkraınamen bіtіmge kelmegen edі.

Bіraq endі Gremnіń sózіnshe, Tramp bul joly zań jobasyn qoldaýǵa daıyn ekenіn aıtqan. Degenmen senator prezıdenttіń naqty zańǵa qol qoıatynyna jaýap bermeı, «onyń jaǵdaıy jaqsy» dep shekteldі.

Buǵan deıіn ne boldy?

1 sáýіrde Lındsı Grem men demokrat Rıchard Blıýmental bastaǵan 50 senator jańa sanktsııalar týraly zań jobasyn usynǵan bolatyn. Qujatta reseılіk munaı, gaz, ýran men basqa da ónіmderdі satyp alatyn elderge 500% baj salyǵy engіzý usynylǵan.

Olar sondaı-aq Reseıdіń 300 mlrd dollardan astam muzdatylǵan aktıvterіn tárkіlep, Ýkraınanyń paıdasyna berý ıdeıasyn bіrneshe ret kótergen, bіraq ol bastamalar júzege aspady.

Gremnіń aıtýynsha, bul joly Kongrestegі qoldaý anaǵurlym kúshtі, al Tramp bul joly naqty іs-áreketke barýy múmkіn.