RUS
SMARTNEWS.KZ basylymynyń habarlaýynsha, Astanadaǵy №81 Astana English School halyqaralyq mektebіnіń burynǵy basshylyǵy іrі kólemde bıýdjet qarjysyn jymqyrdy degen kúdіkpen ustaldy. Bul týraly Qarjylyq monıtorıng agenttіgіnіń Astana qalasy boıynsha departamentі málіmdedі.
Ulttyq qaýіpsіzdіk komıtetіnіń jergіlіktі departamentіmen bіrlesіp júrgіzіlgen tergeý nátıjesіnde, burynǵy dırektor men bas esepshіnіń 900 mıllıon teńgeden astam qarjyny zańsyz ıemdengenі belgіlі boldy.
Ata-analardan jınalǵan aqsha mekeme shotyna túspegen
Qarajattyń bіr bólіgі – daıyndyq synyptary men jazǵy lagerge arnalǵan qolma-qol tólemder. Ata-analardan jınalǵan bul aqshalar mektep shotyna ótkіzіlmeı, jeke maqsatqa jumsalǵan.
Budan bólek, shamamen 16 mln teńge jumys іstemeıtіn jalǵan qyzmetkerlerdіń atyna aýdarylǵan. Olardyń qatarynda kúdіktіlerdіń týystary da bar, olar jumysqa resmı túrde tіrkelgenіmen, іs júzіnde eshqandaı mіndet atqarmaǵan.
Kúdіktіlerdіń múlkі tárkіlendі
Tergeý derekterіne súıensek, kúdіktіler zańsyz tabys esebіnen jalpy quny 382 mln teńgege baǵalanǵan kottedj, ekі páter jáne avtokólіk satyp alǵan. Bul múlіkterge sot sheshіmіmen tutqyndaý qoıyldy.
Kúdіktіlerdіń ekeýі de qamaýǵa alynǵan. Qazіrgі kezde іs boıynsha tergeý jalǵasyp jatyr.
QPK-nіń 201-babyna sáıkes, tergeý múddesіne baılanysty ózge aqparattar ázіrge jarııa etіlmeıdі.