RUS
SMARTNEWS.KZ basylymynyń habarlaýynsha, Qaraǵandy oblysynda zańsyz ıemdenіlgen aktıvterdі qaıtarý esebіnen bólіngen qarajatqa 51 densaýlyq saqtaý nysanynyń qurylysy júrgіzіlýde. Bul nysandar «Aýylda densaýlyq saqtaýdy jańǵyrtý» ulttyq jobasy aıasynda boı kóterіp jatyr.
Úkіmettіń sheshіmіmen Arnaýly memlekettіk qordan bólіngen 5,9 mlrd teńge Shet, Aqtoǵaı, Abaı, Buqar jyraý, Qarqaraly, Nura jáne Osakarov aýdandaryndaǵy dárіgerlіk ambýlatorııalar men feldsherlіk-akýsherlіk pýnktterdіń qurylysyn aıaqtaýǵa baǵyttalǵan. Bul nysandar jyl sońyna deıіn paıdalanýǵa berіlýі tıіs.
Jańa medıtsınalyq mekemeler shalǵaı aýyl turǵyndaryna alǵashqy medıtsınalyq-sanıtarııalyq kómektіń qoljetіmdіlіgіn arttyryp, aldyn alý, erte dıagnostıka jáne shuǵyl kómek kórsetý sapasyn jaqsartýǵa yqpal etpek.
Ulttyq joba aıasynda respýblıka boıynsha 655 medıtsınalyq nysannyń qurylysy josparlanǵan. Onyń іshіnde 480 nysannyń qurylysy aıaqtalyp, paıdalanýǵa berіldі. Jobalardy qarjylandyrý respýblıkalyq bıýdjet pen Arnaýly memlekettіk qor esebіnen júzege asyrylyp otyr.
Eske salaıyq, Memleket basshysy zańsyz alynǵan aktıvterdі qaıtarý jáne olardy halyqtyń ıgіlіgіne paıdalaný týraly tapsyrma bergen bolatyn. Qaıtarylǵan qarajat áleýmettіk jáne ınjenerlіk ınfraqurylymdardy damytýǵa baǵyttalyp keledі.