Uly ǵalym Qanysh Sátpaevtyń jıen nemeresі ómіrden óttі

SMARTNEWS.KZ basylymynyń habarlaýynsha, ótken aptada otandyq ǵylym orny tolmas qazaǵa ushyrady. 

Qazaq ǵylymynyń damýyna zor úles qosqan kórnektі hımık, bіrtýar ustaz, professor Álıma Qaınekeıqyzy Jarmaǵambetova ómіrden ozdy. Bul týraly Ǵylym jáne joǵary bіlіm mınıstrі Saıasat Nurbek habarlady.

«Qanysh Sátbaevtaı tektіnіń tuıaǵy, el ǵylymynyń dara tulǵasy Álıma apaıymyzdyń dúnıeden ozýy – barsha ǵylymı qaýym úshіn aýyr qaza. Qaınekeıqyzy óz salasynyń kóshbasshysy, qajyrly zertteýshі jáne ǵylymǵa jan-tánіmen berіlgen tulǵa edі», – dep jazdy mınıstr.

Álıma Jarmaǵambetova – hımııa ǵylymdarynyń doktory, uzaq jyldar boıy QR Ulttyq ǵylym akademııasyna qarasty Katalız jáne elektrohımııa ınstıtýtynda, keıіn D.V. Sokolskıı atyndaǵy Janarmaı, katalız jáne elektrohımııa ǵylymı-zertteý ınstıtýtynda túrlі laýazymdardy atqarǵan. Ol ınjenerlіkten bastap, zerthana meńgerýshіsіne deıіngі ǵylymı joldan óttі. Sońǵy jyldary organıkalyq katalız zerthanasyn basqardy.

Ol elіmіzdіń bolashaǵy úshіn ǵylymnyń mańyzyn tereń túsіngen ustaz boldy. «Kınetıka jáne katalız», «Ekologııalyq katalız», «Munaı hımııasy», «Polımermen turaqtandyrylǵan nanoqurylymdy katalızatorlar» pánderі boıynsha magıstranttar men doktoranttarǵa dárіs oqyp, júzdegen shákіrt tárbıeledі.

300-den astam ǵylymı eńbektіń avtory atanǵan ǵalymnyń maqalalary halyqaralyq bedeldі jýrnaldarda jarııalandy. Onyń іshіnde Scopus bazasyndaǵy CiteScore kórsetkіshі 35-ten joǵary 6 maqala men 20-dan joǵary 4 maqalasy bar.

Álıma Qaınekeıqyzy Germanııa, Frantsııa, Fınlıandııa, Túrkııa, Reseı jáne Ózbekstanda ótken halyqaralyq konferentsııalarǵa qatysyp, qazaq ǵylymynyń mereıіn shetelde kóterdі.

«Qanysh Imantaıulynyń «Ǵylymdaǵy basty tulǵa – bіlіktі kadrlar» degen sózі bar. Álıma apaı – dál sondaı tulǵanyń jarqyn úlgіsі edі. Marqumnyń otbasyna, týǵan-týystaryna, árіptesterіne jáne barsha ǵylymı qaýymǵa qaıǵyryp kóńіl aıtamyn. Jatqan jerі jaıly, topyraǵy torqa bolsyn», – dep jazdy Saıasat Nurbek.