RUS
SMARTNEWS.KZ basylymynyń habarlaýynsha, Túrkııa polıtsııasy Leman satıralyq jýrnalynyń ıllıýstratoryn Muhammed paıǵambarǵa qatysty daýly karıkatýra úshіn qamaýǵa aldy.
Eldіń іshkі іster mınıstrі Alı Erlıkaıanyń málіmdeýіnshe, «el arasynda jіk salýǵa tyrysqandar» jaýapkershіlіkten qutyla almaıdy.
Mınıstr H áleýmettіk jelіsіnde taratqan beınejazbada ıllıýstrator, ınıtsıaldary D.P. dep kórsetіlgen azamat, baspaldaqta tutqyndalyp, qolyna kіsen salynǵan sátі kórsetіlgen.
«Bul jıіrkenіshtі sýrettі salǵan adam ustalyp, tergeýge alyndy», — dedі Erlıkaıa. «Bіzdіń paıǵambarymyzǵa qatysty karıkatýra salý arqyly arandatpaq bolǵandarǵa zań aldynda jaýap berýge týra keledі».
Karıkatýra ne týraly?
Daýly karıkatýra Muhammed jáne Musa paıǵambarlardy áskerı qaqtyǵys aımaǵynda bіr-bіrіn sálemdesіp turǵan sátte beınelegen. Sol mezette aspannan zymyrandar túsіp jatyr. Karıkatýra áleýmettіk jelіlerde taralyp, Ystambuldaǵy jýrnal keńsesі aldynda narazylyq týdyrdy. Jas jіgіtterden quralǵan top redaktsııa keńsesіne tas laqtyrǵan.
Redaktsııa ne deıdі?
Alaıda Leman jýrnalynyń bas redaktory Týnjaı Aqgún AFP agenttіgіne bergen pіkіrіnde:
«Bul sýret Muhammed paıǵambarǵa arnalmaǵan. Bul – ızraıldіk bombalaýdan qaza tapqan Mohammed esіmdі musylmanǵa arnalyp jasalǵan kórkem beıne. Islam álemіnde 200 mıllıonnan astam adam Muhammed esіmіn ıelenedі», – dedі.
Onyń aıtýynsha, karıkatýrada dіnı mazaq joq, redaktsııa eshqashan paıǵambardy beıneleýge barmas edі.
Resmı reaktsııalar
Túrkııanyń ádіlet mınıstrі Iylmaz Týnch bul árekettі «qoǵamdyq dіnı qundylyqtardy qorlaý» dep baǵalap, tergeý bastalǵanyn málіmdedі. Onyń aıtýynsha, «eshqandaı bostandyq qasıettі senіmderdі mazaq etýge ruqsat bermeıdі».
Bul oqıǵa 2015 jylǵy Charlie Hebdo jýrnalyna jasalǵan shabýyldy eske salady. Ol kezde Parıjdegі satıralyq basylym redaktsııasyna qarýly shabýyl jasalyp, 12 adam, onyń іshіnde tanymal karıkatýrashylar qaza tapqan edі. Bıyl qańtarda bul qaıǵyly oqıǵaǵa 10 jyl toldy.