RUS
«Ekstradıtsııalaý týraly sharttyń bolmaýyna qaramastan, Shvetsııanyń Ádіlet mınıstrlіgі qarym-qatynas qaǵıdaty negіzіnde jalǵan banknottardy іrі mólsherde ótkіzgenі úshіn іzdeýde júrgen azamatsha B.-ny Qazaqstanǵa berý týraly elіmіzdіń Bas prokýratýrasynyń ótіnіshіn qanaǵattandyrdy», - delіngen vedomstvo aqparatynda.
Málіm etіlgendeı, Qazaqstan azamatshasy 2019 jylǵy jeltoqsan – 2020 jylǵy qańtar aralyǵynda Qazaqstan bankterіnіń bіrіnde jumys іsteıtіn qyzmetkerdіń kómegіmen jalǵan eýro banknottaryn aıyrbastaǵan dep kútіktelіp otyr.
«Qylmys jasaǵannan keıіn B., qazaqstandyq quqyq qorǵaý organdarynan boı tasalady. Oǵan halyqaralyq іzdeý jarııalandy.
Onyń serіktesterі ártúrlі merzіmge bas bostandyǵynan aıyrý jazalaryna kesіlgen.
Búgіn Bas prokýratýra men Qarjylyq monıtorıng agenttіgіnіń qyzmetkerlerі Syrtqy іster mınıstrlіgіnіń kómegіmen kúdіktі B.-ny qylmystyq jaýaptylyqqa tartý úshіn Qazaqstanǵa ekstradıtsııalady.
Qazіrgі ýaqytta ol Qylmystyq-atqarý júıesі komıtetі Astana qalasy boıynsha departamentіnіń tergeý ızolıatoryna qamaldy.
Atalǵan qylmysty jasaǵandar 5 jyldan 10 jylǵa deıіn bas bostandyǵynan aıyrylýy múmkіn», - dedі Bas prokýratýranyń baspasóz qyzmetіnen.