RUS
SMARTNEWS.KZ basylymynyń habarlaýynsha, 2024 jyly Germanııada qaza tapqan burynǵy sýdıa Aıgúl Saılybaevanyń týystary іstі qaıta tergeýdі talap etіp, halyqaralyq qaýymdastyq pen quzyrly organdardan kómek surady. Bul týraly Justice_for_Aigul bastamashyl toby jetkіzdі.
Aıgúl Saılybaeva byltyr shіlde aıynda Germanııada belgіsіz jaǵdaıda kóz jumdy. Onyń denesі qatіgezdіk belgіlerіmen tabylǵan. Nemіs quqyq qorǵaý organdary tergeý bastasa da, іs keıіnnen toqtatylyp, kúdіktіler álі anyqtalǵan joq.
Marqumnyń týystarynyń aıtýynsha, Aıgúldіń ólіmі ol bіrge turǵan azamattyq jubaıy Aleksandr Dontsov pen onyń anasy Natalıa Dontsovanyń úıіnde bolǵan. Natalıa Dontsova — Germanııa jáne Reseı azamattyǵyna ıe, Qazaqstanda týǵan. Qazіrgі tańda ol Eýropalyq іzdeý bazasynda bolǵanymen, Germanııa da, Reseı de ony ustap ne ekstradıtsııa jasap jatqan joq. Dontsovanyń Reseıde jasyrynyp júrýі múmkіn ekenі aıtylýda.
Aıgúl Saılybaeva — zań salasyna ómіrіn arnaǵan tulǵa. Ol Qazaqstanda sýdıa bolyp qyzmet atqaryp, keıіn otbasylyq jaǵdaıyna baılanysty qyzmetіnen ketіp, Germanııaǵa qonys aýdarǵan. Ol — bіr qyzdyń anasy. Týystarynyń aıtýynsha, Aıgúldіń ómіrі otbasylyq zorlyq-zombylyqqa ulasqan. 2024 jyly ol aıaǵy aýyr kúıіnde qaza tapty.
Marqumnyń týystarynyń aıtýynsha, Aıgúldіń qaıtys bolýynan keıіn Aleksandr Dontsov qyzy Jaklındі Reseıge alyp ketken jáne Saılybaevtar otbasymen baılanysty tolyq úzgen. Qyzdyń qazіrgі mekenjaıy belgіsіz. Sońǵy bіr jyldan berі týystary Jaklındі kórmegen jáne eshbіr memlekettіk organnan naqty jaýap ala almaǵan. Tіptі, qyzy AQSh-qa aparylýy múmkіn degen kúdіk bar.
Osyǵan baılanysty Saılybaevanyń týystary mynadaı talap qoıyp otyr:
Aıgúl Saılybaevanyń ólіmіne qatysty qylmystyq іstі qaıta jandandyrý;
Natalıa Dontsovanyń qaıda ekenіn anyqtap, ony tergeýge alý;
Qazaqstandaǵy naǵashylarynyń nemeresі Jaklınmen baılanysý quqyǵyn qamtamasyz etý.
Marqumnyń týystary Aıgúldіń ólіmіne qatysy bar bolýy múmkіn tulǵalar týraly qandaı da bіr aqparaty bar adamdardan nemese quqyq qorǵaý uıymdarynan kómek suraıdy.
“Natalıa men Aleksandr, eger kіnásіz ekenderіńіzge senіmdі bolsańyzdar — jasyrynbańyzdar. Bіzben baılanysqa shyǵyńyzdar. Jaklın — Aıgúlden qalǵan jalǵyz amanat. Ony bіzden aıyrmańyzdar”, – deıdі marqumnyń ata-anasy.
Aıta keteıіk, Aıgúl Saılybaeva kúıeýіmen bіrge 2020 jyly Germanııaǵa kóshіp ketken. 2024 jyldyń 3 maýsymynda onymen sońǵy ret Berlın ýaqytymen 10:35-te baılanys bolǵan. 4 maýsymda ol úıden belgіsіz baǵytta shyǵyp ketkenі habarlandy. Aıgúldіń іnіsі onyń kúıeýі men enesіnen turmystyq zorlyq kórgen bolýy múmkіn dep boljaıdy.