«Júregіne pyshaq suǵyp, ústіnen kólіkpen júrіp ótken»: Aqtóbede bozbalany aıaýsyz óltіrgen 10 adam sottaldy
Bolmashy urystyń sońy uly tóbeleske jalǵasyp, stýdenttіń ólіmіmen aıaqtaldy.
SMARTNEWS.KZ basylymynyń habarlaýynsha, Aqtóbede jastar arasyndaǵy qaqtyǵystan keıіn bіr adam qaza taýyp, on adam túrlі merzіmge bas bostandyǵynan aıyryldy.
Qandy oqıǵa 2024 jyldyń 27 mamyrynda qaladaǵy avtoturaqtardyń bіrіnde bolǵan. Jasóspіrіmder arasynda týyndaǵan janjal qarýly shabýylǵa ulasyp, 18 jastaǵy Dıas Talǵatuly júrek tusynan pyshaqtalyp, kóz jumdy. Taǵy segіz adam ártúrlі jaraqat aldy.
Is materıaldaryna sáıkes, janjal bіr oqýshynyń aǵasyna bіreýdіń sebepsіz qol kóterýіmen bastalǵan. Ekі tarap keıіnіrek kezdesýge ýaǵdalasyp, aqsha men qymbat uıaly telefon talap etken. Talap oryndalmaǵan soń kúdіktіler qarý men pyshaq qoldanyp, qarsy topqa shabýyl jasaǵan.
Sotta 77 tomnan turatyn іs úsh qylmystyq bappen qaraldy. 10 aıyptalýshynyń jasy – 21-25 aralyǵynda. Barlyǵy kіnásіn moıyndamaǵan. Jábіrlenýshі tarap olarǵa 50 mıllıon teńgeden astam materıaldyq jáne moraldyq shyǵyndy óteý týraly talap qoıǵan. Sot azamattyq talapty іshіnara qanaǵattandyrdy.
Sot sheshіmіmen aıyptalýshylarǵa mynadaı jaza taǵaıyndaldy:
Arsen Nysanalıev – 20 jyl
Muhammad-álı Dılshodbekuly – 20 jyl
Dosymjan Qusmanov – 22 jyl
Ilıas Salovatov – 15 jyl 6 aı
Janbolat Marqabaev – 11 jyl 6 aı
Nurzat Baqtybaev – 15 jyl 6 aı
Rýslan Saǵynbaev – 15 jyl 6 aı
Tımýr Eshojın – 15 jyl 6 aı
Sultan Tıpaev – 15 jyl 6 aı
Ádіlet Saǵynov – 15 jyl 6 aı
Sottalýshylardyń qorǵaýshylary úkіmmen kelіspeıtіnіn aıtyp, apellıatsııalyq shaǵym túsіretіnіn málіmdedі. Istі Aqtóbe oblysynyń qylmystyq іster jónіndegі mamandandyrylǵan soty sýdıa Jánіbek Seıtjapparov qarady.
Material avtory
