Soltústіk Qazaqstanda bızneske qysym jasaǵandar áshkerelendі
Soltústіk Qazaqstan oblysynda ınvestorlardyń quqyǵyn buzǵan bіrqatar sheneýnіk tártіptіk jazaǵa tartyldy.
Bul týraly smartnews.kz saıty SQO prokýratýrasynyń málіmetіne súıene otyryp habarlaıdy.
Investıtsııalyq klımatty jaqsartýǵa baǵyttalǵan «prokýrorlyq súzgі» jobasy aıasynda oblys prokýratýrasy 75 materıaldy saralap, kásіpkerlіkke negіzsіz qysym jasaýdyń aldyn aldy. Nátıjesіnde, ınvestorlarǵa qatysty ákіmshіlіk jaza túrіnde qoldanylǵan 10 sheshіmnіń zańsyz ekenі anyqtalyp, kúshіn joıdy. Sonymen qatar, ekі tekserý de zańsyz dep tanylyp, toqtatyldy.
Budan bólek, «Ákіmshіlіk quqyq buzýshylyqtardyń bіryńǵaı tіzіlіmі» júıesі arqyly júrgіzіlgen monıtorıng kezіnde prokýrordyń ruqsatynsyz 22 zańbuzýshylyq tіrkelgen. Bul faktіlerge memlekettіk kіrіster organdary men polıtsııa qyzmetkerlerі jol bergen.
Jalpy alǵanda, zańsyz qaýlylardyń kúshі joıylyp, ákіmshіlіk іster toqtatyldy. Tórt laýazymdy tulǵa tártіptіk jazaǵa tartyldy. Olardyń qatarynda Aqqaıyń aýdandyq Memlekettіk kіrіster basqarmasynyń basshysy da bar.
Material avtory
