Bіr táýlіkte koronavırýs 34 adamnan anyqtaldy – mınıstrlіk
Qazaqstanda ótken bіr táýlіkte 34 adamnan koronavırýs ınfektsııasy anyqtaldy, dep habarlaıdy smartnews.kz saıty QR DSM Sanıtarııalyq-epıdemıologııalyq baqylaý komıtetіne sіlteme jasap.
22 naýryzdaǵy jaǵdaı boıynsha, el óńіrlerіnde 1 772 adam koronavırýstan (koronavırýstan (KVI+) –1 602, koronavırýs pnevmonııasynan (KVI-) – 170) emdelýde. Olardyń іshіnde 140 patsıent statsıonarda, 1 632 naýqas ambýlatorııalyq deńgeıde em qabyldaýda.
KVI+, KVI- shaldyqqandardyń arasynda:
- 5 adamnyń jaǵdaıy aýyr,
- 1 patsıenttіń jaǵdaıy óte aýyr,
- 2 naýqas ókpenі jasandy jeldetý apparatyna qosylǵan.
Aıta keteıіk, 19 naýryzda koronavırýs – 36 adamnan, 20 naýryzda 70 adamnan anyqtalǵan bolatyn.