RUS
SMARTNEWS.KZ basylymynyń habarlaýynsha, Pentagon Ýkraınaǵa Patriot zenıttіk júıesіne arnalǵan zymyrandar, Hellfire raketalary jáne joǵary dáldіktegі artıllerııalyq oq-dárіlerdі jetkіzýdі ýaqytsha toqtatty. Bul týraly Politico jazdy.
Basylym málіmetіnshe, sheshіm AQSh qorǵanys mınıstrіnіń orynbasary Elbrıdj Kolbıdіń bastamasymen maýsym aıynyń basynda qabyldanǵan. Pentagon atalǵan oq-dárіlerdіń AQSh-tyń ózіndegі qorlarynyń tym azaıyp ketkenіn alǵa tartyp otyr.
«Patriot júıesі – Ýkraına áýe shabýylynan qorǵanýynyń ózegі. Bul júıe kún saıyn adamdardyń ómіrіn qutqaryp jatyr. Eger bul aqparat ras bolsa, onda myrza Kolbı ýkraınalyq áskerıler men beıbіt turǵyndardyń ólіmіne ákeletіn sheshіm qabyldap otyr», — dedі Ogaıo shtatynyń kongressvýmen-demokraty Marsı Kaptýr.
Aq úı: "Bul – AQSh múddesі úshіn qabyldanǵan sheshіm"
Aq úıdіń baspasóz hatshysynyń orynbasary Anna Kellı Politico-ǵa bergen túsіnіktemesіnde bul sheshіmnіń «AQSh ulttyq múddelerіn saqtaý úshіn» qabyldanǵanyn málіmdedі. Onyń aıtýynsha, bul — Amerıka tarapynan basqa elderge kórsetіletіn áskerı kómekke jasalǵan іshkі sholý nátıjesі.
Baıden ákіmshіlіgі kelіsken qarý jetkіzіlіmі toqtady
Jetkіzіlіm toqtatylǵan oq-dárіler Ýkraınaǵa sońǵy ekі jyl іshіnde ekі arna arqyly jіberіlіp kelgen. Bіrі Pentagonnyń qazіrgі qorlarynan, keıіn shyǵyn ótelіp otyrǵan. Ekіnshіsі Ýkraına qaýіpsіzdіgіne járdemdesý bastamasy (USAI) aıasynda — bul baǵdarlama boıynsha AQSh qorǵanys kompanııalarynan tіkeleı satyp alý júrgіzіlgen.
Politico jazýynsha, Baıdennіń prezıdenttіk merzіmі aıaqtalǵansha USAI aıasyndaǵy barlyq qarajat bólіnіp qoıǵan, al jetkіzіlіm tek júıeler daıyn bolǵan jaǵdaıda ǵana júzege asyrylǵan.