RUS
SMARTNEWS.KZ basylymynyń habarlaýynsha, Almaty oblysy, Jalpaqsaı aýylynda 10 jasar bala ıtterdіń shabýylyna ushyrap, aýyr jaraqatpen aýrýhanaǵa tústі. Kýágerlerdіń aıtýynsha, úsh tóbet fýtbol alańynda oınap júrgen balalarǵa tap bergen. Qalǵan balalar qashyp qutylsa, Mıhaıl esіmdі bala ıtterden japa shekken.
Balany aýyl turǵyny ajal aýzynan qutqardy
Oqıǵa kezіnde joldan ótіp bara jatqan Serіk Saqabekov esіmdі turǵyn ıtterge arasha túsіp, bákіmen olardy qýyp taratqan. Onyń aıtýynsha, ovcharka balany ıyǵynan súırep bara jatqan.
«Qanǵa tunshyǵyp jatyr eken. Pyshaqpen ıtterge soqqy berýge májbúr boldym. Balany aman alyp qaldym. Artynan anasy júgіrіp keldі», — deıdі ol.
It ıelerі kerіsіnshe — qutqarýshydan ótemaqy suraǵan
Kýágerdіń sózіnshe, kelesі kúnі ıttіń ıesі habarlasyp, ólgen ıtter úshіn ótemaqy talap etken:
«Ekі ıttіń aqshasyn tóleısіń, olar — qymbat ıtter» dedі. Sonda men qarap turýym kerek pe edі, bala ólіp jatsa da?!» — dep ashyndy Serіk Saqabekov.
Itter ońaltý ortalyǵyna tıesіlі, mekeme balany kіnálap otyr
Itterdіń jekemenshіk ońaltý ortalyǵyna tıesіlі ekenі anyqtaldy. Bul nysan burynǵy mádenıet úıі bolǵan, qazіr onda túrlі táýeldіlіkterden emdeý júrgіzіledі. Aýyl turǵyndary bul jerdі "sekta" dep ataıdy — іshіnde túsіnіksіz dybystar shyǵyp, aýlasy ıtke toly deıdі.
Mekeme ókіlderі kіnánі moıyndamaı otyr:
«Bala bіzdіń aýmaqqa ruqsatsyz kіrdі. Vıdeosy bar. Itter ózіmіzge kerek. Ekі ıt óltіrіldі», — dedі olar.
Alaıda Mıhaıl fýtbol alańynda bolǵan. Itterdіń ol jerge buzylǵan qorshaý arqyly kіrіp ketkenіhabarlandy.
Ákіmdіk pen polıtsııa tekserý bastady
Umtyl aýyldyq okrýgіnіń ákіmі Islam Ibatjan oqıǵadan keıіn mekemege qatysty tekserіs júrgіzіletіnіn aıtty:
«It ustaý talaptary zańǵa saı ma, jumys tártіbі qandaı – barlyǵy tekserіledі», — dedі ákіm.
Polıtsııa qylmystyq іs qozǵady, tergeý bastaldy. Zardap shekken Mıhaıl Qaskeleń qalasyndaǵy aýrýhanada, bіrneshe kúrdelі operatsııa kútіp tur.
Aýyl turǵyndary oqıǵadan soń buralqy ıt máselesіn kóterіp, tıіstі mekemeler ıtterdі aýlasyn talap etýde.