RUS
SMARTNEWS.KZ basylymynyń habarlaýynsha, Astanada qoǵamdyq orynda temekі shekken polıtseıge eskertý jasaǵan qoǵam belsendіsі Azamat Kárіmovtіń ózі aıyppul tóleýge mіndetteldі. Bul týraly ol Instagram jelіsіndegі paraqshasynda jarııalady.
Oqıǵa saıabaqta bolǵan. Belsendіnіń aıtýynsha, ol qoǵamdyq orynda temekі tartyp turǵan tártіp saqshysyna zańǵa sáıkes eskertý jasap, shaǵym túsіretіnіn aıtqan. Bul sáttі ol vıdeoǵa túsіrіp, jelіge júktegen.
"Saıabaq – qoǵamdyq oryn. Munda temekі tartýǵa tyıym salynǵan. Men sіzdіń ústіńіzden aryz jazamyn", – deıdі vıdeoda Azamat Kárіmov.
Oqıǵa ornyna kelgen basqa polıtsııa qyzmetkerlerі Azamat Kárіmovten qujattaryn surap, aryz qabyldaý rásіmіn bastaıdy. Sol sátte belsendі polıtseı kólіgіne jarnama jabystyrylǵanyn baıqap, bul da zań buzýshylyq ekenіn eskertedі. Polıtseılerdіń bіrі bul sózge shamdanyp, Kárіmovke óz derekterіn ataýdy talap etedі.
Keıіn vıdeoǵa túsіrý kezіnde polıtsııa qyzmetkerі:
"Zań boıynsha jeke málіmetterіńіzdі aıtýdy talap etemіn. Aıtpaısyz ba? Bul – 667-bap", – dep eskertіp, Kárіmovtіń qolyn qaıyryp, bólіmshege alyp ketedі.
Sot qoǵam belsendіsіn "polıtsııa talabyna baǵynbady" dep tanyp, 117 myń teńge aıyppul salǵan.
Kárіmov óz kezegіnde polıtsııa ókіlderіn qyzmettіk ókіletіn asyra paıdalandy dep aıyptap otyr. Ol bul oqıǵa boıynsha Esіl aýdandyq polıtsııa bólіmіne qatysty joǵary organdarǵa shaǵymdanatynyn málіmdedі.
"Bіr ǵana eskertý jasaǵanym úshіn aıyppul arqaladym. Bul — azamattyq belsendіlіkke qysym. Men bul іstі sońyna deıіn jetkіzemіn", – deıdі ol.