RUS
Osy kúnderі Shymkent qalasynda jaratylystaný-matematıka pánderі boıynsha respýblıkalyq olımpıada ótіp jatyr.
Balalardyń astan ýlanyp qalǵany jónіnde áleýmettіk jelіlerde jazylýda. Shaǵymdarǵa «Daryn» respýblıkalyq ǵylymı-praktıkalyq ortalyǵy da, Oqý-aǵartý mınıstrlіgі de jaýap berdі.
«21 naýryz kúnі olımpıadanyń 904 qatysýshysynyń 12-sіnde dene qyzýynyń kóterіlýі, asqazan-іshek joldary qyzmetіnіń buzylýy túrіnde syrqat belgіlerі paıda boldy. Shaqyrylǵan jedel járdemnіń medıtsına mamandary qarap shyqqannan keıіn balalardy Shymkent qalasynyń ınfektsııalyq aýrýhanasyna jetkіzý sheshіmі qabyldandy.
Qazіrgі ýaqytta balalardyń jaǵdaıy turaqtaldy. Shymkent qalasynyń sanıtarııalyq-baqylaý qyzmetі bolǵan oqıǵanyń sebebіn anyqtaý sharalaryn júrgіzіp jatyr. Balalar medıtsına mamandarynyń baqylaýynda. Olımpıadanyń uıymdastyrý komıtetі atalǵan qatysýshylarǵa psıhologııalyq kómek kórsetýde», - delіngen «Daryn» ortalyǵynyń resmı málіmetіnde.
Atap ótіlgendeı, olımpıadanyń ekіnshі kezeńі belgіlengen ýaqytta bastalǵan. Aýrýhanada jatqan 12 oqýshy oǵan qatysa almady.
«Degenmen de, oqýshylardyń olımpadanyń qorytyndy kezeńіne joldama alýy tańdaǵan pánі boıynsha olardyń joǵary daıyndyǵyn kórsetіp otyr. Olımpıadany uıymdastyrý komıtetі jeńіske degen jіgerі úshіn balalarǵa alǵys aıtady jáne olımpıada nátıjesі boıynsha olar yntylandyrylatyn bolady», - dedі ortalyqtan.
Al mınıstrlіktіń málіmetіne súıensek, oqıǵanyń mán-jaıyn anyqtaý úshіn Shymkentke vıtse-mınıstr bastaǵan delegatsııa attanyp kettі.
«Oqý-aǵartý mınıstrіnіń tapsyrmasymen vıtse-mınıstr Sholpan Karınova, Orta bіlіm berý komıtetі tóraǵasynyń orynbasary, Balalar quqyǵyn qorǵaý komıtetіnіń tóraǵasy bastaǵan jumys toby sol jerge attanyp kettі (...) Jumys toby árbіr máselenі muqııat tekseretіn bolady. Jaǵdaı Oqý-aǵartý mınıstrlіgіnіń jeke baqylaýynda», - delіngen mınıstrdіń baspasóz hatshysy Mereke Nurmuhanovanyń Facebook-paıdalanýshysyna bergen jaýabynda.