RUS
SMARTNEWS.KZ basylymynyń habarlaýynsha, 2 shіlde kúnі Ázіrbaıjan Syrtqy іster mınıstrlіgі Reseıdіń Bakýdegі elshіsі Mıhaıl Evdokımovty shuǵyl túrde shaqyryp, resmı nota tapsyrdy.
Narazylyqqa bіrneshe oqıǵa sebep boldy — olardyń qatarynda AZAL áýe kompanııasynyń ushaǵynyń Aqtaýda apatqa ushyraýy men Reseıdegі ázіrbaıjan azamattaryna qarsy baǵyttalǵan іs-áreketter bar.
Ushaq apaty men Reseıdіń únsіzdіgі
2024 jylǵy 25 jeltoqsanda Bakýden Groznyıǵa baǵyt alǵan AZAL ushaǵy Aqtaýǵa jaqyn mańda qulaǵan bolatyn. Bul tragedııaǵa baılanysty Máskeý tarapynan ashyq tergeý de, resmı túsіnіkteme de berіlmegen. Ázіrbaıjan tarapy bul áreketsіzdіktі «qabyldaýǵa bolmaıdy» dep sanaıdy.
Jýyrda ázіrbaıjandyq BAQ reseılіk ushqyshtyń túsіnіktemesіn jarııa ettі. Qujatqa sáıkes, ol bespılotnıkter shabýyly kezіnde áýede belgіsіz nysanany joıý týraly buıryq bergenіn rastaǵan. Bul túsіnіkteme shynaıy bolýy múmkіn, deıdі sarapshylar.
Ázіrbaıjan apatqa tolyq árі ádіl tergeý júrgіzýdі, kіnálіlerdі jaýapqa tartýdy jáne qurban bolǵandardyń otbasylaryna ótemaqy tóleýdі talap etіp otyr.
Ekaterınbýrgtegі reıdter jáne etnıkalyq qysym
27 maýsymda Reseıdіń Ekaterınbýrg qalasynda ázіrbaıjan dıasporasyna qarsy jappaı reıdter jasalyp, shamamen 50 adam tergeýge alynǵan. Nátıjesіnde ekі adam qaıtys boldy, taǵy bіrnesheýі aýyr jaralanǵan. Ázіrbaıjan tarapy bul oqıǵalardy etnıkalyq sıpattaǵy qysym retіnde qabyldap otyr.
Syrtqy іster vıtse-mınıstrі Araz Azımov Reseıdіń áreketіn «dostyqqa qarsy jáne arandatýshylyq» dep atady. Onyń aıtýynsha, «etnıkalyq qylmystyq toptar» degen uǵymdardy reseılіk taraptyń qoldanýy — ashyq arazdyqty qozdyrý.
«Sputnik-Azerbaıdjan» іsі men BAQ qysymy
Sondaı-aq Baký jaqynda reseılіk «Sputnik-Azerbaıdjan» redaktsııasyna qatysty tergeýlerdі zań aıasynda júrgіzіp jatqanyn atap óttі. Al Máskeý bul tekserýlerdі qysym dep baǵalaýda.
Qarym-qatynastaǵy daǵdarys
Ázіrbaıjan tarapy Máskeýge eskertý jasady:
«Qysym men etnıkalyq óshpendіlіk – kórshіlіk qatynastyń joly emes».
Eger Reseı tarapy saıasatyn qaıta qaramasa, ekі el arasyndaǵy qarym-qatynas odan árі nasharlaýy múmkіn.