Jasóspіrіmderdі zorlap, áıelderdі saýdalaǵan áıgіlі PıDıddı túrmege qamalatyn boldy
Shon «Dıddı» Kombs jyldar boıy jezókshelіkke jeńgetaılyq etkenі áshkere bolǵan edі.
SMARTNEWS.KZ basylymynyń habarlaýynsha, amerıkalyq tanymal reper Shon «Dıddı» Kombs Nıý-Iorktegі Manhetten federaldy sotynda jezókshelіkke járdemdesý baby boıynsha kіnálі dep tanyldy.
Alaıda reket pen adam saýdasy boıynsha taǵylǵan aýyr aıyptardan aqtaldy. Bul Kombsqa ómіr boıy bas bostandyǵynan aıyrylý qaýpіnen qutylýǵa múmkіndіk berdі.
55 jastaǵy mýzykantqa qatysty sot protsesі ekі aıǵa jýyq ýaqytqa sozyldy. Prokýratýra ony áıelderdі bіrneshe kúnge sozylatyn jynystyq keshterge tartqan qylmystyq toptyń basshysy retіnde sıpattady. Kýágerlerdіń aıtýynsha, keshterde áıelderge esіrtkі men іshіmdіk berіlіp, zorlyqqa ushyraǵan. Keı jaǵdaılarda bárі vıdeoǵa túsіrіlgen. Al qorǵaýshylar bul áreketterdіń barlyǵy ekі jaqty kelіsіmmen bolǵanyn aıtyp, Kombsty burynǵy serіktester men básekelesterdіń kek alý nysanyna aınaldy dep málіmdedі.
Reperge úkіm keıіnіrek jarııalanady. Qazіrgі aıyp boıynsha ol 20 jylǵa deıіn bas bostandyǵynan aıyrylýy múmkіn.
Aıta keteıіk, 2023 jyly Dıddıdіń burynǵy jubaıy ony zorlyq-zombylyq, esіrtkіge májbúrleý, jynystyq qatynasqa zorlaý jáne basqa er adamdarmen jynystyq qatynasqa ıtermeleý boıynsha aıyptaǵan bolatyn. Osy shaǵymnan keıіn basqa da jábіrlenýshіler paıda bolyp, olardyń arasynda kámeletke tolmaǵandar da bolǵany týraly málіmetter tarady.
Material avtory
