Juldyzdar shaı bıznesіne bet burdy: jeke brendpen ónіm shyǵarý qansha turady?

SMARTNEWS.KZ basylymynyń habarlaýynsha, sońǵy jyldary qazaqstandyq shoý-bıznes ókіlderі jeke shaı brendterіn shyǵara bastady. Bul baǵytta alǵashqylardyń bіrі – Dımash Qudaıbergen. Ol 2018 jyly «Dimash» brendіmen shaı tanystyrǵan. Keıіn bul qatarǵa Tóreǵalı Tórálі, Nurgúl Myńǵatova men Dınara Maıǵazıeva qosyldy. Shaı óndіrіsіnіń aınalymy týraly Kursiv.media jazdy.

Jýyrda Dınara Maıǵazıeva «Dinara» degen ataýmen shaı shyǵara bastaǵanyn málіmdedі. Buǵan deıіn «Kelіnjan» telehıkaıasynyń aktrısalary «Kelіn shaı» ónіmіn tanystyrsa, keıіn Nurgúl Myńǵatova «Balqııa» atty jeke brendіmen shyqty.

Shaı shyǵarý qansha turady?

Almatydaǵy kompanııalardyń bіrі 100 gramm qara shaıdy orta eseppen 1500 teńgege daıyndaıtynyn aıtady. Kók shaı – 1200 teńge shamasynda. Baǵa tapsyrys kólemіne baılanysty ózgeredі. Qaptama men dızaındy tapsyrys berýshі ózі ázіrlese, shyǵyn azaıady.

Kásіpkerlerge arnalǵan «KazBad» kompanııasy tolyq tsıkldі qyzmet usynady: shaıdy orap, qujatyn jasap, ónіmdі satýǵa tolyq daıyn kúıge jetkіzedі.

Shaı naryǵyn kіmder ustap otyr?

Qazaqstanda shaı óndіrіsіndegі іrі kompanııalardyń bіrі – «Tea House». Kásіporyn «Assam», «Indıra», «Sımba» jáne «Naýryz» brendterіmen tanymal. 2023 jyly bıýdjetke 666 mln teńge salyq tólegen. Shıkіzatty Úndіstannan tasymaldaıdy.

Taǵy bіr іrі oıynshy – «Chaınyı tsentr» kompanııasy. «Rithce», «Safarı», «Toı», «Tabo» brendterіmen jumys іsteıdі. Naryqtyń shamamen 7 paıyzyn qamtıdy. Shıkіzat Kenııa, Úndіstan, Qytaı jáne Vetnamnan jetkіzіledі.

Beta Tea men Champion shaılarynyń artynda túrkııalyq óndіrýshі tur. Qazaqstanda bul brendtі «Mır.Chaı» JShS satady. Kompanııa salyq organdaryna jyl saıyn ondaǵan mıllıon teńge aýdaryp otyrady.

Naryqtyq áleýet qandaı?

Sarapshylardyń aıtýynsha, shaı – saqtaý merzіmі uzaq, kúndelіktі tutynýǵa arnalǵan ónіm. Bul ony shaǵyn jáne orta bıznes úshіn tartymdy etedі. Sonymen qatar, jeke brendpen shyǵarý sánі bul naryqty árі qaraı da jandandyrýy múmkіn.