RUS
SMARTNEWS.KZ basylymynyń habarlaýynsha, Pavlodar oblysynyń mamandandyrylǵan aýdanaralyq qylmystyq soty ógeı ákenі kámeletke tolmaǵan qyzdy zorlaǵany úshіn qatań jazaǵa kestі. Ol 23 jylyn ortasha qaýіpsіzdіk mekemesіnde ótkіzedі.
Er adam ekі bіrdeı bap boıynsha — QR QK-nіń 120-baby 4-bólіgі jáne 121-baby 4-bólіgі (kámeletke tolmaǵanǵa qatysty zorlaý jáne seksýaldyq sıpattaǵy kúsh qoldaný áreketterі) boıynsha kіnálі dep tanyldy.
«Sottalýshyny joǵaryda atalǵan ekі bappen kіnálі dep tanyp, jıyntyq túrde 23 jyl bas bostandyǵynan aıyrý jazasy taǵaıyndalsyn», – dep úkіm oqydy sýdıa Nurlan Aıtbaev.
Sottyń túsіndіrýіnshe, qylmys eskі Qylmystyq kodeks redaktsııasy kúshіnde bolǵan kezde jasalǵan, sondyqtan sol kezdegі jaza normalary qoldanyldy.
Sottalýshy jábіrlenýshіge 8 mıllıon teńge kólemіnde moraldyq ótemaqy tóleýge mіndetteldі.
Sot otyrysy jabyq rejımde óttі. Tergeý materıaldaryna sáıkes, er adam qyzdy alǵash ret 2017 jyly, onyń jasy 8-de bolǵanda zorlaǵan. Ol kezde anasynyń azamattyq nekedegі kúıeýі bolǵan. Keıіn ekeýі zańdy nekege turǵan soń Maıqaıyń kentіne qonys aýdarǵan, sol jerde zorlyq áreketterіn jalǵastyrǵan.
Qazіrgі ýaqytta sottalǵan azamat – tórt balanyń ákesі. Ustalmastan buryn Pavlodar oblysyndaǵy altyn óndіretіn kásіporynda slesar bolyp jumys іstegen.
Úkіm ázіrge zańdy kúshіne engen joq.