RUS
SMARTNEWS.KZ basylymynyń habarlaýynsha, Reseıdіń Ekaterınbýrg qalasyndaǵy Lenın aýdandyq soty atyshýly qylmystyq іske qatysy bar dep kúdіkke іlіngen Azız Abasovty qamaýǵa alý týraly sheshіm shyǵardy. Ol – osy іske tartylǵan segіzіnshі adam. Qamaýǵa alý merzіmі 2025 jylǵy 19 shіldege deıіn belgіlendі.
Abasovqa «qasaqana kіsі óltіrýge ıtermeleý» baby boıynsha aıyp taǵylyp otyr. Sot sheshіmі ázіrge zańdy kúshіne engen joq.
Buǵan deıіn sot Akıf, Aıaz, Bakır jáne Mazahır Safarovtar, Ahlıman Gıandjıev, Shahın Lalaev pen Kamal Safarovty qamaýǵa alǵan bolatyn. Al kúdіktіlerdіń bіrі – Gýseın Safarov pen onyń іnіsі Zııaddın Safarov – tutqyndalý kezіnde kóz jumǵan.
Reseıdіń Tergeý komıtetі bul adamdardy 2001, 2010 jáne 2011 jyldary uıymdasqan etnıkalyq qylmystyq top quramynda jasalǵan tapsyryspen kіsі óltіrý jáne oǵan oqtalý іsterіne qatysy bar dep kúdіktenedі.
Reseı men Ázerbaıjan arasyndaǵy qatynas shıelenіstі
Bul jaǵdaıdan keıіn Máskeý men Bakýdіń arasyndaǵy qatynas ýshyǵa tústі. Ázerbaıjan Syrtqy іster mınıstrlіgі reıd kezіnde adamdardyń jaralanǵanyn jáne qaza tapqanyn málіmdep, kіnálіlerdі jaýapqa tartýdy talap ettі.
Ázerbaıjan Bas prokýratýrasy 1 shіldede «qatygezdіkpen jasalǵan azaptaý jáne kіsі óltіrý» faktіsі boıynsha qylmystyq іs qozǵady. Bakýdіń málіmetіnshe, 60 jastaǵy Gýseın Safarov Ekaterınbýrgtegі IIM ǵımaratynda kóptegen jaraqattar saldarynan shok alyp kóz jumǵan. Onyń 55 jastaǵy іnіsі Zııaddın Safarov ta kóptegen dene jaraqatynan keıіn arnaıy kólіkte qaıtys bolǵan.
Osy oqıǵalardan keıіn Ázerbaıjan bılіgі Reseımen bіrlesken mádenı іs-sharalardy toqtatyp, Máskeýge josparlanǵan parlamenttіk delegatsııa saparyn da joıdy.