RUS
SMARTNEWS.KZ basylymynyń habarlaýynsha, Iranda úsh jyldan astam ýaqyt qamaýda otyrǵan frantsýz azamattary Sesıl Koler men Jak Parıske Izraıldіń «Mossad» barlaý qyzmetіne jumys іstedі degen resmı aıyp taǵyldy. Bul týraly tutqyndardyń týystary men frantsýz dıplomattary málіmdedі.
Iran tarapy alǵash ret shetel azamattarynyń naqty qaı eldіń paıdasyna áreket ettі degen kúdіkke іlіngenіn ashyq aıtty. Buǵan deıіn Koler men Parıske tek jalpy tyńshylyq aıyby taǵylǵan bolatyn.
«Olar sýdıamen kezdestі. Ol úsh bap boıynsha aıypty rastady: «Mossad» paıdasyna tyńshylyq jasaý, rejımdі qulatýǵa astyrtyn jospar qurý jáne para berý», – dedі Kolerdіń sіńlіsі Noemı Koler.
Qamaýdaǵylardyń týystarynyń aıtýynsha, álі kúnge deıіn olarǵa táýelsіz advokatpen kezdesý múmkіndіgі berіlmegen. Aıyp dáleldense, ekeýіne de ólіm jazasy qaýpі tónіp tur.
Týrıstіk sapar sońy — qamaýǵa alý
40 jastaǵy ádebıet pánі muǵalіmі Sesıl Koler men 72 jastaǵy Jak Parıs 2022 jyldyń 7 mamyrynda, Irandaǵy týrıstіk sapary aıaqtalar kúnі ustalǵan. Frantsııa taraby olardy «negіzsіz jáne saıası astary bar aıyppen» qamaýǵa alyndy dep esepteıdі.
Frantsýz prezıdentі Emmanýel Makron men syrtqy іster mınıstrі Jan-Noel Barro sońǵy kúnderі olardyń bosatylýyn qaıta talap ettі. Frantsýz dıplomaty jýyrda Tegerandaǵy Evın túrmesіnde otyrǵan tutqyndarmen kezdestі. Atalǵan túrme jaqynda Izraıldіń áýe soqqysyna ushyraǵan bolatyn.
«Kepіldіk dıplomatııasy» ma?
Iran batys elderіnіń málіmetіnshe, sońǵy jyldary «dıplomatııalyq kepіldіk» taktıkasyn jıі qoldanady – ıaǵnı shetel azamattaryn tutqyndap, olardy saýdaǵa salyp nemese óz azamattaryna aıyrbastaýdy kózdeıdі.
Frantsııa ázіrge azamattaryn qaıtarý boıynsha naqty qadamdaryn jarııa etken joq. Bіraq jaǵdaı halyqaralyq deńgeıde jіtі baqylaýda.