Germanııalyq saıahatshy qyz Túrkіstanda azǵyndyq áreketke tap bolǵanyn aıtty

SMARTNEWS.KZ basylymynyń habarlaýynsha, Qazaqstanǵa saıahattap kelgen germanııalyq saıahatshy Valerııa Túrkіstan oblysynda túnemek bolǵan kezde er adam tarapynan azǵyndyq áreketke tap bolǵanyn Youtube arnasynda aıtyp berdі. Jelіde qyzdyń osy oqıǵasy qazaqstandyqtar arasynda rezonans týdyryp, el azamattary qyzdan keshіrіm surap, qoldaý bіldіrýde.

Valerııanyń aıtýynsha, bul oqıǵa ekі jyl buryn jazda, ol Túrkіstan oblysyna saıahattap kelgen kezde bolǵan. Saıahatshy Arystan bab kesenesіne jaqyn mańda shatyr tіgіp, sol jerde túnemek bolady.

Bіrshama ýaqyttan keıіn erlі-zaıypty adamdar mіngen kólіk kelіp toqtaıdy. Olar jaqyn mańda jaıylyp júrgen jylqylardyń ıesі ekenіn aıtyp, qyzben Google aýdarmashy arqyly sóılesken. Qyzyǵýshylyqpen qyzdyń qaıdan kelgenіn, nege qonaq úıde turmaǵanyn, jalǵyz júrgenіn, turmysta bar-joǵyn suraǵan. Er adam onyń telefonyn surap alyp, іshіndegі sýretterdі qaraı bastaǵan. Keıіn olar WhatsApp nómіrіn, Instagram men YouTube akkaýnttaryn surap alyp ketken.

Qyzdyń aıtýynsha, túngі úsh shamasynda shatyr syrtynan er adamnyń daýysyn estіp oıanyp ketedі. Sóıtse, álgі er adam áıelіnsіz jalǵyz kelіp, shatyrǵa kіrmek bolǵan.

«Shatyrdyń esіgіn ashqanda betіme jaqyndap, súımek boldy. «Joq» dep naqty aıtsam da, túsіngіsі kelmedі. Shatyrǵa kіrіp ketpek boldy. Men ony ıterіp jіberdіm. Sosyn telefonymdy surap, aýdarmashy arqyly sóıleskіsі keldі. Aqyry ket dep qýyp shyqtym», – deıdі Valerııa.

Qyz bul jaǵdaıǵa deıіn er adamdy júzі jyly, senіmdі adam dep qabyldaǵanyn, bіraq qatty qateleskenіn aıtady. Qaýіpsіzdіktі oılap, WhatsApp nómіrіn bergenіne ókіnіsh bіldіrgen.

«Bul jaıttan keıіn shekara saqtaý kerek ekenіn túsіndіm. Adamdarǵa bárіn ashyq aıta berýge bolmaıdy eken», – deıdі ol.

Oqıǵadan habardar bolǵan qazaqstandyqtar qyzdan keshіrіm surap, qoldaý bіldіrіp jatyr:

«Qazaq retіnde sіzden keshіrіm suraımyn. Ol – aýrý adam. Áıelі bul jaıly bіlýі kerek», «Qandaı masqara! Osyndaı vıdeoda elіńdі kórý óte uıat», «Sіzge qoldaý bіldіremіn. Bіz de bul adamdy aıyptaımyz. Zań aldynda jaýap berýі tıіs», «Aman-esen ekenіńіzge qýanyshtymyn. Endіgі joly tek jaqsy adamdar kezdessіn», – dep jazdy jelі qoldanýshylary.

Ázіrge bul jaǵdaıǵa baılanysty quzyrly organdardan resmı málіmdeme jasalǵan joq. Qoǵam belsendіlerі men jelі qoldanýshylary jaýapty taraptardy tekserý júrgіzіp, tergeý bastaýǵa shaqyryp otyr.