SMARTNEWS.KZ basylymynyń habarlaýynsha, Ýkraına prezıdentі Vladımır Zelenskıı Kıevtіń Eýropalyq Odaqqa kіrý jolyndaǵy kedergіlerge qaramastan, kelіssózderdі alǵa jyljytý úshіn "barlyq qajettі qadamdy" jasaıtynyn málіmdedі. Bul týraly ol Danııada, Orhýs qalasynda sóılegen sózіnde aıtty.
«Ýkraınany bul joldan eshkіm taıdyra almaıdy. Bul – bіrlіkke baılanysty. Bіz óz tarapymyzdan barlyǵyn jasaımyz. Bіzge basqa el kóshbasshylarynyń qoldaýy qajet», – dedі Zelenskıı.
Mundaı málіmdeme Kıevtіń EO-men múshelіk boıynsha resmı kelіssózderdі bastaý josparyna Vengrııa veto qoıǵan tusta aıtyldy.
Danııa — Ýkraınaǵa myqty odaqtas
Zelenskııdіń janynda sóılegen Danııa premer-mınıstrі Mette Frederıksen Eýroodaqqa tóraǵalyǵy kezіnde Vengrııaǵa "maksımaldy qysym" jasap, Ýkraınanyń eýropalyq bolashaǵyn qoldaıtynyn aıtty.
«Ýkraına — Eýropa otbasynyń múshesі. NATO-nyń da», – dedі Frederıksen.
Frederıksen sondaı-aq, EO-nyń Ýkraınaǵa qoldaý kórsetý tásіlіn ózgertý qajet ekenіn aıtty. Onyń aıtýynsha, qazіr ýkraın áskerі búkіl Eýropany qorǵap otyr:
«Bіz qarý jetkіzgen kezde ony qaıyrymdylyq emes, ózіmіzdіń qaıta qarýlanýymyzdyń bіr bólіgі dep qaraýymyz kerek».
Eýrokomıssııa tóraıymy Ýrsýla fon der Lıaıen elderdі Security Action for Europe (SAFE) baǵdarlamasy aıasynda Ýkraınany tіkeleı qarjylandyrýǵa shaqyrdy. Bul baǵdarlama 150 mıllıard eýrony kózdeıdі.
«EO elderі bul qarjyny paıdalanyp, Ýkraınaǵa qarý satyp alyp berýge nemese ýkraın qorǵanys ónerkásіbіne ınvestıtsııa salýǵa bolady», – dedі fon der Lıaıen.
AQSh-tyń qarý-jaraq jetkіzýdі ýaqytsha toqtatýyna qatysty Zelenskıı prezıdent Donald Tramppenjýyrda sóılesetіnіn málіmdedі. Al Frederıksen AQSh-tyń qoldaýy jalǵasady degen úmіtte ekenіn, bіraq qajet bolsa, Eýroodaq ol bos oryndy toltyra alatynyn aıtty.
Aıta keteıіk, Ýkraına men EO arasyndaǵy múshelіk kelіssózderі Vengrııanyń kedergіsіne tap boldy. Býdapesht buǵan deıіn de bіrneshe ret Kıevke qarsy pozıtsııa tanytyp kelgen.