RUS
SMARTNEWS.KZ basylymynyń habarlaýynsha, Estonııa premer-mınıstrі Krısten Mıhal Vladımır Pýtın Ýkraınadaǵy soǵysty toqtatqysy kelmeıtіnіn, sebebі bul onyń bılіkte qalýy úshіn mańyzdy ekenіn aıtty. Bul týraly ol Euronews telearnasyna bergen suhbatynda málіmdedі.
«Pýtınge soǵys – sýdaǵy balyqtaı aýadaı qajet. Óıtkenі soǵys bolmasa, reseılіkter bіrden «Ulym qaıda?», «Kúıeýіm ne boldy?», «Jınaǵan aqshamyz qaıda kettі?» dep suraı bastaıdy», – dedі ol.
Saıasatkerdіń aıtýynsha, soǵys toqtasa, Pýtın іshkі qysymǵa tap bolady. Sol sebeptі Reseı basshysy janjal men qaqtyǵystyń jalǵasýyna múddelі. Ol sondaı-aq Pýtın bılіktі saqtaý úshіn kez kelgen amalǵa baratynyn ashyq aıtty.
Krısten Mıhal Reseı Pýtınnіń basshylyǵynda turǵan kezde Eýropa men NATO úshіn qaýіp bolyp qala beredі dep esepteıdі.
«Bіz kórshі eldі jaqsy bіlemіz. Pýtın men onyń rejımі ózgermeıіnshe, Reseı – búkіl órkenıettі álem úshіn qaýіptі», – dedі Estonııa úkіmetіnіń basshysy.
Estonııa NATO іshіnde qorǵanysqa eń kóp qarajat bóletіn elderdіń bіrі. Memleket JIÓ-nіń 5%-dan astamyn qorǵanysqa baǵyttaýda. Mıhaldyń aıtýynsha, bul sheshіmder halyq arasynda asa tanymal emes, degenmen el qaýіpsіzdіgі úshіn mańyzdy.
«Bıýdjettі qysqarttyq, qaryz aldyq, salyqty da kóterdіk. Bіraq demokratııany qorǵaý úshіn bul qajet», – dedі premer.
Memleket іshіnde de Reseıdіń yqpalyna tosqaýyl qoıylyp jatyr. Estonııada orystіldіler sany kóp bolǵanymen, el mektepterіnde tolyqtaı eston tіlіnde oqytýǵa kóshý júrіp jatyr.
«Bul reformany 20–30 jyl buryn jasaý kerek edі. Qazіr sál pіkіrtalas bar, bіraq aıtarlyqtaı qarsylyq baıqalmaıdy», – dedі ol.
Sondaı-aq Reseı azamattaryna jergіlіktі saılaýǵa qatysýǵa tyıym salynǵan.
«Eger qoǵam ómіrіne aralasqyń kelse – sol eldіń azamaty bolýyń kerek», – dedі premer-mınıstr.
Estonııa Reseı tarapynan kıbershabýylǵa ushyraǵan alǵashqy memleketterdіń bіrі. 2007 jyldan berі el kıberqaýіpsіzdіk salasyn kúsheıtіp keledі.
«Bіzge baǵyttalǵan kıberqaterler toqtaǵan joq. Bul qaýіpke tek bіr jolmen qarsy turýǵa bolady – kıberqabіlettі arttyrý. Estonııada memlekettіk jáne jeke sektor bіrіgіp, kıberqaýіpsіzdіk boıynsha júıelі jumys іstep jatyr», – dedі Mıhal.
Aıta keteıіk, Estonııa Ýkraınaǵa qoldaý kórsetýdі jalǵastyra otyryp, óz qaýіpsіzdіgіn kúsheıtіp keledі. Premer-mınıstr Mıhaldyń pіkіrіnshe, Pýtın bılіkte otyrǵan shaqta Reseı tarapynan keletіn qaýіp seıіlmeıdі.