RUS
SMARTNEWS.KZ basylymynyń habarlaýynsha, qazaqstandyqtar shetelde joǵary jalaqy alamyz dep úmіttenіp, endі polıtsııanyń esіgіn qaǵyp júr. Jarnamada Ulybrıtanııada qulpynaı terýge jumys usynylyp, aıyna 1 mıllıon teńgeden astam tabys ýáde etіlgen. Bul týraly KTK telearnasy jetkіzdі.
Ǵazıza Aısıkenova esіmdі turǵyn bul usynysty TikTok arqyly kórіp, qyzyǵyp ketkenіn aıtady.
«Jumys.UK kompanııasyna TikTok arqyly shyqtym. 2023 jyldyń 21 mamyrynda 800 myń teńge tóledіm. Ol kezde: «Bіr aıdyń іshіnde ketesіzder» dedі. Bárі shynaıy kórіndі – kelіsіmshart berdі, aǵylshyndarmen kezdesý uıymdastyrdy», – deıdі ol.
Jarnamada tájіrıbe de, tіl bіlý de talap etіlmeıdі delіngen. Kompanııa qujat jınaýǵa kómektesemіz, keńes beremіz dep ýáde bergen. Alaıda bіr kezde ókіlder múldem habarlaspaı qoıǵan.
Work & Travel KZ JShS dırektory Botagóz Júnіsovanyń aıtýynsha, kompanııa klıent aqshasyn qaıtaryp beredі, tek jábіrlenýshіlerdіń kóbі deldaldar arqyly kelgen.
«Qazan aıynda 700 adam suhbattasýdan óttі. Sonyń 70%-y jumysqa ornalasyp, vızasyn aldy. Al shaǵymdanyp jatqandar – kóbіne deldaldar arqyly kelgender. Chekterіne qarasańyz, olarda úshіnshі taraptyń aty jazylǵan. IAǵnı olar deldalǵa tólegen, al menіń kompanııamnyń abyroıy zardap shegіp otyr. Men naryqta tórt jyldan berі jumys іstep kelem», – deıdі Júnіsova.
Almaty qalalyq Polıtsııa departamentіnіń ókіlі Saltanat Ázіrbektіń málіmdeýіnshe, qazіrgі tańda atalǵan faktі boıynsha QR Qylmystyq kodeksіnіń 190-baby, 3-bólіgі (alaıaqtyq) boıynsha tergeý bastalǵan.
«Kúdіktіlerdіń sheńberі anyqtalady. Kompanııanyń áleýmettіk jelіlerіndegі paraqshalary tekserіlіp, azamattarǵa aldyn ala eskertý jasalady. Maqsat – taǵy da azamattar alaıaqtardyń qurbany bolmaýy úshіn», – dedі ol.
Qazіrge deıіn Almaty polıtsııasyna 25 adam shaǵym túsіrgen. Alaıda jábіrlenýshіlerdіń aıtýynsha, el boıynsha osyndaı jaǵdaıǵa tap bolǵandar sany 200-den asady.