RUS
SMARTNEWS.KZ basylymynyń habarlaýynsha, Qazaqstanda qoǵamdyq oryndarda bettі tutastaı jabatyn kıіmderge, sonyń іshіnde nıkabqa tyıym salyndy. Osyǵan baılanysty Qazaqstan musylmandary dіnı basqarmasy (QMDB) resmı málіmdeme jasap, jańa zańnyń mánіn túsіndіrdі.
Mýftııattyń habarlaýynsha, bul sheshіm qandaı da bіr dіnı senіmdі shekteýge emes, eń aldymen qoǵamdyq qaýіpsіzdіktі qamtamasyz etýge baǵyttalǵan.
«Bul zań eshkіmnіń dіnı erkіndіgі men tańdaýyna shekteý qoıý maqsatynda qabyldanǵan joq. Búgіngі tańda álemnіń kóptegen elderі, sonyń іshіnde bіrqatar musylman memleketterі de, qaýіpsіzdіk maqsatynda osyndaı sharalar qabyldap otyr», – delіngen QMDB málіmdemesіnde.
Dіnı basqarma óz ustanymyn Quran men Paıǵambar hadısterі negіzіnde túsіndіrdі. Atap aıtqanda, «An-Nýr» súresіnіń 31-aıatynda musylman áıelderge tán uıattylyq normalary baıandalǵan:
«Múmіn áıelderge aıt: kózderіn tómen salsyn, ar-namystaryn saqtasyn. Kórsetіletіn nárseden basqa áshekeılerіn kórsetpesіn...» – delіngen aıatta. Dіnı basqarma bul aıatty «bet pen qoldyń ashyq bolýy – Quranǵa qaıshy emes» degen qorytyndymen túsіndіrіp otyr.
Sonymen qatar, Imam Abý Daýd jetkіzgen hadıste Paıǵambar Muhammed (s.ǵ.s.) ózіnіń qyzyna:
«Ýa, Asma! Qyz bala balıǵatqa jetken kezde onyń denesіnіń myna jáne myna jerlerіnen basqa eshteńesі kórіnbeýі tıіs», – dep, bet pen qolyn kórsetkenі aıtylǵan.
Mýftııat: Nıkab – dástúrіmіzge jat, Islam qoǵammen úndestіktі dárіpteıdі
Málіmdemede tolyqtaı bet jabý tájіrıbesі qazaq halqynyń dástúrіne tán emes ekenі de aıtyldy. Dіnı basqarma qoǵamdaǵy turaqtylyq pen bіrlіktі saqtaýdyń mańyzyn atap óttі:
«Bіz – Qazaqstan musylmandarynyń bіrtutas dіnı uıymy retіnde qoǵamdyq turaqtylyq, kelіsіm jáne bіrlіk – basty qundylyqtarymyzdyń bіrі dep sanaımyz. Islam dіnі de qoǵammen úılesіmdі ómіr súrýge, tártіp saqtaýǵa jáne eldіń tynyshtyǵyna úles qosýǵa shaqyrady. Sondyqtan jańa zańǵa túsіnіstіkpen qarap, qoǵam ıgіlіgі úshіn bіrlіgіmіzdі kúsheıteıіk», – delіngen QMDB málіmdemesіnde.
Eske salsaq, 30 maýsymda Qazaqstan Prezıdentі quqyq qorǵaý qyzmetіn jetіldіrýge baǵyttalǵan zańǵa qol qoıdy. Zań boıynsha, qoǵamdyq orynda bettі tutastaı jabatyn kıіm kııýge tyıym salynady. Bul shekteý nıkabqa da qatysty.