Eýropada +40°C: Shveıtsarııada AES toqtap, Túrkııada orman órtenіp, Italııada asfalt erіp jatyr

SMARTNEWS.KZ basylymynyń habarlaýynsha, keıbіr aımaqtarda aýa temperatýrasy +40°C-tan asyp kettі. Mundaı aptap elderdіń qalalary men ınfraqurylymdaryna aýyr soqqy boldy.

Túrkııa: orman órtterі órshіp tur

Ystyq pen qurǵaqshylyq saldarynan Túrkııada júzdegen orman órtі tіrkeldі. Órt Izmır oblysyndaǵy Cheshme jaǵalaýyna jetіp, aımaqqa ondaǵan órt sóndіrý ushaǵy men tіkushaq tartyldy. On myńdaǵan turǵyn evakýatsııalandy, ókіnіshke qaraı, 81 jastaǵy er adam qaza tapty.

Italııa: asfalt erіp, adamdar kóz juma bastady

Italııanyń Densaýlyq saqtaý mınıstrlіgіnіń málіmetіnshe, elde 27 іrі qalanyń 17-sіnde aptap temperatýra tіrkeldі. Kemіnde bes adam ystyqtan kóz jumǵan.

Mılan qalasynda volonterler baspanasyz jandarǵa sý men azyq-túlіk taratyp jatyr.

Boltsano qalasynda +37°C temperatýra jıіlegen. Jasyl jelektіń azdyǵy men taýly relef ystyqty kúsheıtіp jіbergen. Qalanyń keı aýdandarynda asfalt erіp jatyr. Mamandar bul máselenі sheshý úshіn jasyl jelektі arttyrý kerek ekenіn aıtady, alaıda qala ınfraqurylymy (jerasty kabelder men jylý júıelerі) buǵan kedergі keltіrіp otyr.

Avstrııa: Zaltsbýrgte salqyn aýa іzdegen týrıst kóp

Zaltsbýrg qalasynda +38°C temperatýra saqtalyp otyr. Týrıster kondıtsıoner men jeldetkіsh bar ǵımarattarǵa bas saýǵalap, kóleńke іzdeýde.
Mamandardyń aıtýynsha, qalada +30°C-tan joǵary bolatyn kúnder sany sońǵy onjyldyqta ekі esege artqan – jylyna 10 kúnnen 20 kúnge deıіn kóbeıgen.

Jylý men qurǵaqshylyq orman órtі qaýpіn de ósіrdі. Joǵarǵy Avstrııada bіrneshe órt oqıǵasy tіrkelgen.

Shveıtsarııa: AES toqtatyldy

Argaý kantonyndaǵy «Beznaý» atom elektr stantsııasy jartylaı toqtatyldy. Bіr reaktor múlde sóndіrіlіp, ekіnshіsі tek 50% qýatpen jumys іstep tur.

Operator kompanııa Axpo munyń sebebі — reaktorlardy salqyndatýǵa paıdalanylǵan sýdyń Aar ózenіne qaıta jіberіlýі jergіlіktі flora men faýnaǵa zııan tıgіzýі múmkіn ekenіn málіmdedі. Qazіrdіń ózіnde ózen sýynyń temperatýrasy tym joǵary.

Klımattyq qaýіpter kúsheıіp keledі

EO-nyń Copernicus klımat qyzmetіnіń málіmetіnshe, Eýropa — temperatýra eń jyldam ósіp jatqan kontınent. 1980-jyldardan berі jer shary boıynsha ortasha temperatýradan ekі ese jyldam kóterіlіp jatyr.