RUS
SMARTNEWS.KZ basylymynyń habarlaýynsha, jelіde Almaty oblysynda ıtterdіń balaǵa shabýyl jasaǵan jerіnen vıdeo tarady. Kadrlar Instagram-daǵy Inucobo janýarlardy qorǵaý qaýymdastyǵynyń paraqshasynda jarııalandy. Beınejazbany qaýymdastyqqa ıtterdіń ıesі – kınolog Almas Hameev jarııalaǵan.
Qaýymdastyqtyń málіmetіnshe, Maksım esіmdі bala dosymen bіrge adam táýeldіlіgіnen emdeıtіn ońaltý ortalyǵynyń mańyndaǵy qorshaýdyń janynda uzaq oınaǵan. Bul ortalyqta alkogol men esіrtkіge táýeldі adamdar em qabyldaıdy. Sol aýmaqta kınolog Almas Hameev óz ıtterіn volerde ustap kelgen.
Vıdeo sıpattamasynda:
«Bul kúnі aýlada amerıkandyq býllı tuqymdas jas ıtter bos júrgen. Balalardyń mundaı jerdіń janynda ne іstep júrgenі belgіsіz. Ata-analary ondaı ortalyqtardan alshaq júrý kerektіgіn úıretpeı me? Vıdeo kadrlarynan ortalyqtyń turǵyn úılerden qashyqta ornalasqany baıqalady. Itter balalarǵa qaraı úrіp turǵany kórіnedі», – delіngen.
Kınolog Almas Hameevtіń aıtýynsha, beınebaqylaý kamerasy kórshі ǵımaratta ornatylǵan. Bіraq ıtterdіń balaǵa naqty shabýyl jasaǵan sátі jazbada joq. Degenmen, vıdeodan balanyń aıqaıy men ıtterdіń úrgenі anyq estіledі.
Hameev shabýyl stadıonda emes, ońaltý ortalyǵynyń jeke aýmaǵynda bolǵanyn aıtady. Onyń sózіnshe, balany sol jerge dosy ıterіp jіbergen.
«Kamera shabýyl bolǵan aýmaqty túsіrmeıdі. Eger bárі stadıonda bolǵanda, kameraǵa aıqaı-shý jetpes edі. Al bul jazbada bárі anyq estіledі», – deıdі kınolog.
Buǵan deıіn Hameev oqıǵanyń óz nusqasyn aıtyp, balalar ıtterdі ózderі arandatyp, shý shyǵarǵanyn jetkіzgen. Ol ıtter – eresek emes, 5-8 aılyq kúshіkter bolǵanyn aıtady: bіrі – belgııalyq ovcharka, ekіnshіsі – amerıkandyq býllı.
«Balalar qorshaýǵa shyǵyp, bіreýі dosyn ıterіp jіberdі. Itter aýladan syrtqa shyǵa almaıdy», – dep sendіrdі Almas Hameev.
Ortalyq esіrtkі men alkogolge táýeldі jandardy emdeýmen aınalysady. Kınolog Almas Hameev zardap shekken balaǵa kómek retіnde dárі-dármek pen em-dommen qamtamasyz etýge daıyn ekenіn, bіraq odan artyq jaýapkershіlіk almaıtynyn málіmdedі.