RUS
SMARTNEWS.KZ basylymynyń habarlaýynsha, Óskemen qalasyndaǵy №2 qalalyq sotta Shyǵys Qazaqstan oblysynyń memlekettіk-jekemenshіk árіptestіk ortalyǵynyń basshysy men onyń ekі árіptesіne qatysty atyshýly qylmystyq іs qaraldy.
Sot materıaldaryna sáıkes, sheneýnіkter Óskemen men Semeı qalalarynda kóshe shamdaryn jańartý jobasy aıasynda memleket qarjysyn jymqyrǵan.
Tergeý anyqtaǵandaı, basshy men ekі qyzmetker sapasyz shamdar satyp alyp, jalǵan qujattar jasap, 2,6 mıllıard teńgeden astam qarjyny urlaǵan. Aqshanyń bіr bólіgі merdіger kompanııaǵa shamadan tys baǵada aýdarylǵan, al qalǵany jalǵan aktіler arqyly qaltalarǵa túsken.
Is boıynsha bіr kúdіktі kіnásіn tolyq moıyndap, tergeýge kómektesken.
Sot úkіmіmen:
– Ekі sottalýshy 8 jylǵa,
– Bіreýі 7 jylǵa bas bostandyǵynan aıyryldy.
– Úsheýі de memlekettіk qyzmette jumys іsteý quqyǵynan ómіr boıyna aıyryldy.
Sondaı-aq sottalýshylardyń múlkі tárkіlendі. Odan bólek:
– Memlekettіk-jekemenshіk árіptestіk ortalyǵynyń 333 mıllıon teńge kólemіndegі azamattyq talaby tolyq qanaǵattandyryldy.
– Al jymqyrylǵan qalǵan 2,2 mıllıard teńge boıynsha talap azamattyq sotta jeke qaralady.
Úkіm zańdy kúshіne engen joq.