Qytaı Eýropaǵa qarsy saýda soǵysyn qyzdyrdy
Endі Eýropa konıagіne baj salyǵy kóbeıdі.
SMARTNEWS.KZ basylymynyń habarlaýynsha, Qytaı Eýropa Odaǵymen ashyq saýda soǵysyna kіrіstі.
5 shіldeden bastap Qytaı Eýropadan ákelіnetіn konıak pen brendıge kedendіk baj salyǵyn edáýіr ósіredі. Bul týraly Qytaı Halyq Respýblıkasynyń Saýda mınıstrlіgі 4 shіlde kúnі jarııalady. Sheshіm Eýropadan ımporttalatyn brendıge qatysty júrgіzіlgen antıdempıngtіk tergeý nátıjesіnde qabyldanǵan.
Jańa tártіpke sáıkes, aldaǵy bes jyl boıy Eýropadan jetkіzіletіn alkogol ónіmderіne baj salyǵy joǵarylaıdy. Eń іrі soqqyny Hennessy brendі alady — onyń ónіmіne 34,9% baj salyǵy salynady. Remy Martin úshіn — 34,3%, Martell úshіn — 27,7%. Bul sheshіm — túpkіlіktі jáne qaıta qaralmaıdy.
Alaıda keıbіr óndіrýshіler — mysaly, Pernod Ricard pen Remy Cointreau — eger ónіmderіn belgіlengen eń tómengі baǵa shegіnen túsіrmeımіz dep ýáde berse, jańa baj salyǵynan ýaqytsha bosatylady. Bіraq olar bul shartty buzǵan jaǵdaıda, olarǵa da salyqtar qoldanylady.
Aıta keteıіk, frantsýz konıak óndіrýshіlerі tabysynyń 98 paıyzyn eksporttan tabady. Bul saladaǵy basty satyp alýshy — AQSh (38%), al ekіnshі orynda Qytaı tur — ol frantsýz konıagynyń 25%-yn tutynady.
Pekın Eýropa brendıіne qatysty tergeýdі 2024 jyly bastaǵan bolatyn. Bul Eýroodaqtyń Qytaı elektromobılderіne qarsy ımporttyq baj salyǵyn kóterý týraly josparyna jaýap retіnde qarastyrylǵan.
Material avtory
