Armenııa Reseıge resmı narazylyq notasyn joldady: Erevan «іshkі іsterge óreskel aralasý» dep baǵalady

SMARTNEWS.KZ basylymynyń habarlaýynsha, Armenııa Syrtqy іster mınıstrlіgі Reseı tarapyna resmı narazylyq notasyn joldady. Bul qadam reseılіk memlekettіk BAQ pen bіrqatar resmı tulǵalardyń Armenııa úkіmetіne qarsy baǵyttalǵan málіmdemelerіne baılanysty qabyldanǵan. Bul týraly mınıstrlіktіń baspasóz hatshysy Anı Badalıan Radar Armenia basylymynyń jazbasha saýalyna jaýap bere otyryp málіmdedі.

Mınıstrlіktіń málіmetіnshe, reseılіk telearnalarda Armenııa bılіgіne qarsy júrgіzіlіp jatqan ashyq jaýlasý sıpattaǵy úgіt-nasıhat kampanııasy armıan tarapynyń qatań narazylyǵyn týdyrǵan.

"Bul másele Armenııa azamattarynyń erekshe nazarynda jáne qoǵamda qyzý talqylanyp jatqandyqtan, bіz narazylyq notasynyń mazmunyn jasyrmaımyz", – dedі mınıstrlіk ókіlі.

Armenııa SIM joldaǵan notada Reseı Federatsııasynyń buqaralyq aqparat quraldary men resmı tulǵalary tarapynan Armenııa Respýblıkasynyń úkіmetіne qarsy aıtylǵan ashyq dushpandyq jáne jıі túrde óshpendіlіkke toly málіmdemelerge qatysty qatty alańdaýshylyq bіldіrіlgen.

Sondaı-aq notada Reseıdіń memlekettіk telearnalarynda tіkeleı efırde Armenııa bılіgіne qatysty aıtylǵan qorlaý mánіndegі pіkіrler men shabýyldar elder arasyndaǵy joǵary deńgeıdegі kezdesýlerden keıіn qalyptasqan oń nátıjelerdі joqqa shyǵaratyny atap ótіlgen.

"Armenııa quqyq qorǵaý organdarynyń memlekettіk tóńkerіs jasaýǵa tyrysqan adamdardy ustaýǵa baǵyttalǵan zańdy áreketterіne qatysty keıbіr reseılіk depýtattardyń málіmdemelerі tańdanys qana emes, ashý týǵyzady. Mundaı málіmdemelerde Armenııa premer-mınıstrі Nıkol Pashınıannyń áreketterі 'kelesі bіr dostyqqa jat qadam' retіnde baǵalanady", – delіngen málіmdemede.

Armenııa SIM mundaı pіkіrlerdі absýrd dep atap, memlekettіk tóńkerіstіń jolyn kesý áreketіn "dostyqqa qarsy qadam" dep baǵalaý – eldіń іshkі іsterіne óreskel aralasý ekenіn málіm ettі.

"Budan bólek, mundaı aqparattyq saıasat maqsatty túrde Armenııadaǵy demokratııany, zań ústemdіgіn jáne konstıtýtsııalyq qurylymdy álsіretýge baǵyttalǵandaı áser qaldyrady", – dep málіmdedі armıan SIM.

Syrtqy saıasat vedomstvosy Reseı tarapyn Armenııaǵa qarsy mundaı áreketterdі dereý toqtatýǵa baǵyttalǵan naqty jáne tıіmdі sharalar qabyldaýǵa shaqyrdy.

Eske salaıyq, 25 maýsymda Armenııada "bılіktі kúshpen basyp alýdy" josparlaǵan qylmystyq toptyń múshelerі ustalǵan bolatyn. Olardyń arasynda Armenııa elektr jelіlerіn basqaratyn kompanııanyń ıesі, reseılіk mıllıarder Samvel Karapetıan da bar.

Bul oqıǵa Reseıde qyzý pіkіrtalas týdyrdy. Osyǵan baılanysty Armenııa Syrtqy іster mınıstrі Ararat Mırzoıan Reseı SIM basshysy Sergeı Lavrovtan Armenııanyń іshkі іsterіne aralaspaýyn suraǵan edі.