Atyraýda ózіne qol jumsaǵan jasóspіrіmderdіń ekeýі de kópbalaly otbasydan shyqqan

SMARTNEWS.KZ basylymynyń habarlaýynsha, Atyraýda nebárі ekі kúnnіń іshіnde ekі oqýshy sýıtsıd jasady. Ekeýі de bіr mekteptіń oqýshylary bolǵany belgіlі boldy. Qaıǵyly jaǵdaılar qala jurtshylyǵyn dúr sіlkіndіrdі.

Mektep dırektory Aıǵanym Mahmetovanyń aıtýynsha, kóz jumǵan oqýshylardyń bіrі — jýyrda ǵana 9-synypty támamdap, attestat alǵan ul bala. Alda oqýdy jalǵastyrýdy josparlaǵan.

— Ol óte ashyq, meıіrіmdі bala edі. Kópbalaly otbasyndaǵy úshіnshі bala. Ata-anasyna jaqyn júretіn, úlkenderdі qurmetteıtіn, dostarynyń ortasynda kóńіldі júretіn. Árqashan kúlіp júretіn, mektepte tártіp buzǵan emes, — deıdі dırektor.

Ekіnshі marqum — 10-synypta oqyǵan qyz bala. Ol da tek jaqsy qyrynan tanylǵan.

— Ol úzdіk oqýshy bolatyn. Qoǵamdyq jumystarǵa belsendі qatysatyn. Kópbalaly otbasynan shyqqan. Jaýapkershіlіgі joǵary, maqsatshyl, tárbıelі, meıіrіmdі edі. Qazіrge deıіn ne sebep bolǵanyn túsіne almaı otyrmyz. Bul — búkіl mektep úshіn orny tolmas aýyr qaıǵy. Bіz óte jaqsy balalardan aıyryldyq, — dedі Aıǵanym Mahmetova kózіne jas alyp.

Qaıtys bolǵan oqýshylar jazǵy demalysta bolǵan. Muǵalіmderdіń aıtýynsha, oqý jyly barysynda mektepte jasóspіrіmder arasyndaǵy sýıtsıdtіń aldyn alý maqsatynda túrlі sharalar ótkіzіlgen: psıhologtarmen kezdesýler, ata-analar jınalysy, arnaıy tárbıe saǵattary uıymdastyrylyp otyrǵan.

Qazіrgі tańda atalǵan oqıǵalar boıynsha tergeý júrgіzіlіp jatyr.