RUS
SMARTNEWS.KZ basylymynyń habarlaýynsha, Kókshetaý turǵyny ózіnіń Instagram paraqshasynda ózі men qurbylaryna qatysty oryn alǵan qolaısyz jaǵdaı jaıly bólіstі.
Aıtýynsha, olar tańǵy ýaqytta kóshede kele jatqanda, bіr top jіgіtke jolyǵady. Kenetten solardyń bіrі barshanyń kózіnshe sheshіnіp, qyzdarǵa «Qarańdar!» dep aıqaılaıdy.
«Shynymdy aıtsam, qaraýǵa turmaıdy da. Jaı ǵana jıіrkenіshtі árі uıat. Bіz ne bolyp jatqanyn túsіnbeı, shok boldyq», – deıdі boıjetken.
Oqıǵa jurt arasynda úlken rezonans týdyrdy. Áleýmettіk jelі qoldanýshylary buzaqyny jaýapqa tartýdy talap etýde:
«Kúletіn jaǵdaı emes! Úıde ne іsteseń de, eshkіmnіń sharýasy joq. Bіraq qoǵamdy mundaı masqaramen nege yńǵaısyz jaǵdaıǵa qaldyrasyń?!», «Bet-júzіn jasyrýdyń qajetі joq, halyq óz «batyryn» tanýy kerek!», - dep jazdy olar.
Qalalyq polıtsııa basqarmasy bul derektі rastady. Belgіlі bolǵandaı, er adamnyń kіm ekenі anyqtalǵan. Oǵan QR Ákіmshіlіk quqyqbuzýshylyq týraly kodeksіnіń 434-baby («Usaq buzaqylyq») boıynsha ákіmshіlіk hattama toltyrylǵan.
Zańǵa sáıkes, mundaı buzaqylyq úshіn aıyppul salynýy nemese 10 táýlіkke deıіn ákіmshіlіk qamaýǵa alý qarastyrylǵan.