RUS
SMARTNEWS.KZ basylymynyń habarlaýynsha, Ekіbastuzda jasóspіrіm sýǵa batyp ketken. Qutqarýshylardyń jumysyn qolaısyz aýa raıy qıyndatyp otyr. Bul týraly Pavlodarnews.kz jazdy.
Basylymnyń oblystyq TJD baspasóz qyzmetіne sіlteme jasap habarlaýynsha, Solnechnyı kentіnіń mańynda "Shandyqsor" jasandy kólіnde 4 shіldede saǵat 16:10 shamasynda tyıym salynǵan jerde shomylyp júrgen kezde sýǵa batyp ketken 2009 jyly týǵan balany іzdeý jumystary júrіp jatyr.
Balany іzdeýge Jedel-qutqarý jasaǵynyń kúshterі 6 qyzmetker, 2 tehnıka, 2 júzý quraly, sondaı-aq, eholot tartyldy. Izdeý sharalaryna qolaısyz aýa raıy kedergі keltіrіp jatyr.
"Qatty jel men tolqyndar kedergі jasap jatyr. Osyǵan qaramastan, súńgýіrler jumystaryn jalǵastyrýda", - deıdі departament ókіlderі.
Pavlodar oblysy TJD jabdyqtalmaǵan jerlerde shomylý óte qaýіptі ekenіn eske salady.