Tehastaǵy sý tasqynynan qaza tapqandar sany 78-ge jettі, onyń іshіnde 28 bala bar

SMARTNEWS.KZ basylymynyń habarlaýynsha, AQSh-tyń Tehas shtatynda bolǵan qatty sý tasqyny saldarynan kemіnde 78 adam qaza tapty, olardyń 28-і – balalar. Bul týraly BBC jazdy.

Tehas shtatynyń Kerr okrýgіnіń sherıfі Larrı Lıta jeksenbі keshke jýrnalısterge qaza tapqandardyń sany okrýgte 68-ge jetkenіn aıtty: 40 eresek jáne 28 bala.

Kerr okrýgіnde balalar lagerі sý astynda qalǵan. 10 qyz bala jáne olardy ertіp júrgen keńesshі álі kúnge deıіn іz-túzsіz joǵalǵandar qatarynda.

Iz-túzsіz ketkender Kerrvıll qalasyna jaqyn ornalasqan, Gýadalýpe ózenіnіń jaǵasyndaǵy Camp Mystic atty jazǵy hrıstıandyq lagerde demalyp jatqan. Qatty nóser saldarynan ózen tasyp, lagerdі sý basqan.

Tehastyń bіrneshe okrýgіnde tótenshe jaǵdaı jarııalandy. Kóptegen joldar qıraǵan, telefon baılanysy úzіlgen.
BBC málіmetіnshe, qutqarý jumystary jalǵasýda.