Aqmola oblysynda sý qubyry jelіlerіn tartý úshіn zańsyz jolmen alynǵan aktıvterden 21,5 mlrd teńge baǵyttaldy

SMARTNEWS.KZ basylymynyń habarlaýynsha, olardyń esebіnen Qazaqstanda áleýmettіk mańyzy bar nysandar salynýda. Bul týraly kazinform.kz jazdy. 

Aqmola oblysynda sýmen jabdyqtaý júıesіn salýǵa Arnaýly memlekettіk qordan 21,5 mlrd teńge bólіndі.

Búgіnde óńіrde sýmen jabdyqtaý salasynda 28 joba júzege asyrylyp jatyr. Zerendі aýdanynda jańa sý qubyry jelіlerіn salýǵa jáne qoldanystaǵy sý qubyry jelіlerіn jańǵyrtýǵa 6 mlrd 564 mln teńge qarastyrylǵan. Jumystar Aqadyr, Jylymdy, Qanaı bı, Kókterek, Sadovoe, Troıtsk, Vasılkovskoe, Órken, Ózen jáne Barataı aýyldarynda júrgіzіlіp jatyr.

Olardyń іshіndegі eń іrіsі – 1 myńnan astam adam turatyn Órken kentіndegі uzyndyǵy 6 shaqyrym sýmen jabdyqtaý júıesі. Jobanyń quny – 583 mln teńge.

Odan bólek, oblystyń 9 aýdanynda 2 mlrd 287 mln teńgeden astam somaǵa sýmen jabdyqtaýdyń jańa kózderіn salý jáne qoldanystaǵy júıelerdі rekonstrýktsııalaý júzege asyrylyp jatyr. Nysandardy paıdalanýǵa berý osy jyldyń sońyna josparlanyp otyr.

Sandyqtaý aýdanynda toptyq sý qubyry salynyp jatyr. Joba boıynsha 22,3 shaqyrym sýmen jabdyqtaý jelіlerіn salý kózdelgen. Ony júzege asyrýǵa arnaýly memlekettіk qordan 200 mln teńge bólіndі.

Sondaı-aq Nura toptyq sý qubyryn rekonstrýktsııalaý jáne Pokrovskoe aýylynan Talapker jáne Qajymuqan aýyldaryna sý qubyryn tartý jumystary júrgіzіlіp jatyr. Ekі jobanyń jalpy quny – 9,5 mlrd teńge.

Qazіr Aqmola oblysynda qalalyq eldі mekenderde sýmen jabdyqtaý qyzmetі 99%, al aýyldyq eldі mekenderde 96,6%.

Búgіnde elіmіzde qaıtarylǵan aktıvterge densaýlyq saqtaý, sport, sondaı-aq ınjenerlіk jelіler men sý qurylystaryn jańartý salalaryndaǵy jobalar júzege asyrylyp jatyr.