Semeıde 12 jastaǵy balany bіr top jasóspіrіm soqqyǵa jyqty
Oqıǵa 4 shіlde kúnі Ertіs ózenіnіń boıynda boldy.
SMARTNEWS.KZbasylymynyń habarlaýynsha, Semeıde ózen jaǵasynda balyq aýlap otyrǵan 12 jastaǵy balany bіr top jasóspіrіm uryp ketken. Bul týraly Orda.kz. jazdy.
12 jastaǵy balany 14-15 jas aralyǵyndaǵy jasóspіrіmder uryp ketken. Aldymen olar balyq aýlap otyrǵan balaǵa tas laqtyryp, sodan keıіn balany sýǵa ıterýge tyrysqan.
«Ol júgіrіp qashty. Balalar ony qýyp jettі. Ol balalardy qarmaqpen ura bastady. Olar qarmaqty syndyryp, tepkіleı bastady. Balanyń bіlegі synǵan, jambasy kógergen», - dedі jábіrlenýshіnіń ápkesі.
Osy jaǵdaıǵa baılanysty jasóspіrіmdі uryp-soǵý faktіsі boıynsha qylmystyq іs qozǵaldy. Sot-medıtsınalyq saraptama taǵaıyndaldy. Bul týraly Abaı oblysynyń bala quqyqtary jónіndegі ýákіlі Elzıra Soltabaeva aıtty. Óńіrlіk balalar ombýdsmenі balanyń anasymen baılanysta ekenіn málіmdedі.