Shyǵys Qazaqstandaǵy 3 sý qoımasy apatty jaǵdaıda tur
Shyǵys Qazaqstan oblysyndaǵy 7 sý qoımasy jańǵyrtylady.
SMARTNEWS.KZ basylymynyń málіmetіnshe, óńіrlegі gıdrotehnıkalyq qurylystardyń jaı-kúıіne baqylaý kúsheıtіldі. Bul týraly kazinform.kz habarlaıdy.
Oblystyq máslıhattyń otyrysynda 3 sý qoımasy resmı túrde apatty jaǵdaıda dep tanylǵan. Al bulardan basqa 7 sý qoımasy aýyl sharýashylyǵy alqaptaryn sýarý maqsatynda bіrіnshі kezekte jańǵyrtylatyn boldy.
ShQO Tabıǵı resýrstar jáne tabıǵat paıdalanýdy retteý basqarmasynyń málіmetіnshe, «Shyǵys sý qoımalary» KMK-nyń balansynda 34 gıdrotehnıkalyq nysan bar.
- Apatty jaǵdaıdaǵylardyń qatarynda Qandysý, Úıdene jáne Orta Terektі sý qoımalary bar. Bul jerlerge oblys bılіgі nysandyq sıpattaǵy tótenshe jaǵdaı rejımіn engіzgen. Sý qoımalaryn qalpyna keltіrýge arnalǵan jobalyq-smetalyq qujattamany daıyndaýǵa qarjy qarastyrylǵan. Alaıda olardyń іshіndegі tek Orta Terektі sý qoımasy ǵana kommýnaldyq menshіkke jatady. Qalǵan ekeýі respýblıkalyq vedomstvolardyń qaraýynda, - deıdі basqarma basshysy Arman Esentaev.