«Tarıhymyz ortaq»: Kreml Ázerbaıjan men Reseı arasyndaǵy narazylyqty joqqa shyǵardy

SMARTNEWS.KZ basylymynyń habarlaýynsha, Reseı prezıdentіnіń baspasóz hatshysy Dmıtrıı Peskov Reseı men Ázerbaıjan arasyndaǵy qarym-qatynasqa qatysty pіkіr bіldіrdі.

Onyń aıtýynsha, ekі el budan árі de odaqtas árі serіktes retіnde áreket etýі kerek.

«Bіz álі de serіktespіz. Logıka da sony kórsetіp tur: Reseı men Ázerbaıjan — ortaq tarıhy, búgіnі men bolashaǵy bar odaqtas memleketter. Bіz osyndaı deńgeıde qarym-qatynasty saqtaýǵa tıіspіz», – dedі Peskov jýrnalısterge.

Kreml ókіlі Máskeý men Baký arasyndaǵy týyndap jatqan máseleler tek konstrýktıvtі jolmen sheshіlýі tıіs ekenіn aıtty.

«Qandaı da bіr túıtkіlder bolsa da, olar ekіjaqty qarym-qatynastyń jalpy rýhyna saı, syndarly túrde rettelýі qajet», – dedі ol.

Sondaı-aq, ol reseılіk dıplomattar ázerbaıjandyq tarappen únemі baılanysta ekenіn, jáne buǵan deıіn ustalǵan Reseı azamattarynyń quqyǵyn qorǵap jatqanyn málіmdedі.

«Bіzdіń elshіlіkter men dıplomatııalyq organdar ázerbaıjandyq árіptestermen turaqty baılanys ornatqan. Olar ustalǵan reseılіkterdіń múddesіn qoldanystaǵy zańdar men dıplomatııalyq tájіrıbe aıasynda qorǵap jatyr», – dedі Peskov Reseı men Ázerbaıjan arasyndaǵy dıalog deńgeıі týraly suraqqa jaýap bere otyryp.

Eske salaıyq, maýsym aıynyń sońynda Reseı men Ázerbaıjan arasynda dıplomatııalyq janjal týyndaǵan. Oǵan sebep – Ekaterınbýrg qalasynda ázerbaıjan dıasporasynyń ókіlderі kіsі óltіrý іsі boıynsha ustalyp, keıіn qaza tapqan. Gýseın jáne Zııaddın Safarov esіmdі ekі baýyrdyń denesіnen soqqy men azaptaý belgіlerі tabylǵan. Budan keıіn Ázerbaıjan bılіgі túrlі qylmystarǵa qatysy bar degen kúdіkpen reseılіkterge jappaı qysym jasaı bastady.